Búgindikke 3 adamnan vırýs shyqty. Indet belgisi tabylǵan bir naýqas Ile aýdany, Qaroı aýylynyń turǵyny eken. Ekinshi adam – 30 sáýir kúni «Atyraý-Almaty» áýe reısimen ushyp kelgen jolaýshylardyń biri. «Teńiz» kenishindegi vahtalyq jumystan oralǵan onyń syrqaty profılaktıkalyq tekserý barysynda belgili bolǵan. Onymen birge bortta 79 jolaýshy, 9 ekıpaj múshesi bolǵan. Jaqyn baılanysta bolǵandar – 9, potensıaldy baılanysta bolǵandar sany – 71 adam. Jaqyn baılanysta bolǵandar Qarasaı aýdandyq aýrýhanasynyń ınfeksııalyq bólimine jatqyzyldy, al potensıaldy baılanysta bolǵandar úı karantıninde medısınalyq mamandardyń baqylaýyna alyndy.
Al úshinshi naýqas – Qapshaǵaı qalasy Zarechnyı kentiniń 1962 jyly týǵan turǵyny. Ol Shelek aýylyndaǵy aýdandyq aýrýhananyń ınfeksııalyq bólimine jatqyzyldy. Onymen baılanysta bolǵan 100 adam tekserilip, barlyǵynyń vırýsologııalyq tekserýi teris nətıje kórsetti.
