Keshe túnde Grekııanyń Salonıkı qalasynda jergilikti PAOK-pen Eýropa lıgasynyń toptyq kezeńindegi birinshi matchyn ótkizgen Qaraǵandynyń «Shahteri» eń sońǵy mınýttarda sheshýshi dop jiberip qoıyp, utylyp qaldy. Esep – 1:2. Bul týraly Egemennews.kztilshisi habarlady.
PAOK (Salonıkı, Grekııa) – «Shahter» (Qaraǵandy, Qazaqstan) 2:1 (0:0).
PAOK: Sans Ovehero Hakobo, Georgıos Savelas ( Lıno, 65), Mıgel Vıtor, Aleksandros Sıolıs, Mıroslav Stoh, Kostın Lazer (Dımıtrıos Salpıngıdıs, 58), Konstantınos Kasýranıs, Stelıos Kısıý, Sotırıos Nınıs (Zvonımır Výkıch, 85), Lýkas Peres, Stefanos Atanasıadıs.
«Shahter»: Aleksandr Mokın, Andreı Poryvaev, Evgenıı Tarasov, Aldın Djıdıch, Sergeı Malyı, Aleksandar Sımchevıch, Gedımınas Vıchıýs, Roher Kanıas, Andreı Fınonchenko (Maksat Baıjanov, 81), Gevorg Kazarıan, Sergeı Hıjnıchenko (Igor Zenkovıch, 88).
Goldar: Kanıas (50, penaltı), Atanasıadıs (75), Výkıch (90+2).
Salonıkıdiń «Týmba» stadıonynda jankúıerlerdiń qatysýynsyz ótken kezdesý alań ıeleriniń shabýylymen bastaldy. Kenshiler qaqpasy aldyndaǵy birinshi qaýipti sát 2-mınýtta-aq týyndap úlgerdi. Sol qanattan qaqpa alańyna quıyndaı ushyp kirgen Kostın Lazer dopty toqtatpastan urdy. Bul soqqynyń qaýpin bizdiń qaqpashy Aleksandr Mokın qaıtara bildi. Grekter esep ashýdyń anyq múmkindigin oıynnyń 7-mınýtynda taǵy jiberip aldy. Bul joly oń qaptaldan kelgen Lýkas peres bizdiń qorǵýshylardy aınalyp ótip, qaqpa alańyna jetti. Onyń qatty soqqysy jolyna taǵy da Mokın tura qaldy. Dál osyndaı jaǵdaı 14-mınýtta taǵy qaıtalandy. Alǵashynda qaqpashy buryshtamadan berilgen dopty urǵan Sotırıos Nınıstiń soqqysyn alańnyń artqy jaǵyna jóneltti.
Al «Shahter» óziniń birinshi gol soǵar sátin 18-mınýtta týǵyzdy. Gevorg Kazarıan oń qaptaldan aıyp alańyna dop jetkizdi. Oǵan birinshi bolyp basyn tóseı qoıǵan Andreı Fınonchenko qaqpa mańdaıshasanyń ústińgi jaǵyn kózdepti. Tórt mınýttan keıin grekter taǵy shabýylǵa shyqty. Taǵy da shabýyldyń ótinen Lazer tabyldy. Alaıda, onyń soqqysy Mokınniń ýysynda ketti.
Kezdesýdiń 25-mınýtynda alań ıeleriniń golkıperi San Hakoboǵa sondaı erlik jasaýǵa týra keldi. Bul jolfy Gedımıntas Vıchıýs qaptaldan qolymen dop laqtyrdy. Ony qaǵyp alǵan Aldın Djıdıch qaqpaǵa baǵyttady. Qonaqtar taǵy bir qaýipti qarbalasty 38-mınýtta jasady.
Qarsylastar úziliske osylaı esep asha almaǵan kúıleri ketti. Al 49-mınýtta grekter ózderiniń aıyp alańdaryna kelgen Roher Kanıasty qaǵyp qulaty. Penaltı! Ony jábir kórýshiniń ózi júzege asyrdy.
Jasyratyny joq, qaraǵandylyqtar osydan keıin oınamaı qoıdy. Shamasy, osy eseppen match sońyna deıin jetemiz dep oılasa kerek. Biraq olaı bolmaı shyqty. О́z alańynda utylyp qalý qaýpi týǵan grekter endi jantalasa alǵaı umtyldy. Osy umtylysty olar eki ret golǵa aınaldyra bildi. Bulardyń biirnshisin 75-mınýtta Stefanos Atanasıadıstiń kómegimen túsirgen olar oıynǵa qosylǵan ekinshi mınýtta jeńisti de birjola tartyp áketti. Onyń retin match bitýge 5 mınýt qalǵanda alańnan kóringen Zvonımır Výkıch keltirdi.
Osylaısha «Shahter» qosymsha qosylǵan ýaqytta jeńiliske ushyrady.
Toptyń kelesi týry oıyndary 3 qazan kúni oınalady. Bul kúni qaraǵandylyqtar Izraıldiń Haıfa qalasynyń «Makkabı» komandasyn qabyldaıdy.
Rýslan Igilik.
Týrdaǵy oıyndar mynadaı nátıjeler ákeldi:
A
Sankt-Gallen (Shveısarııa) – Kýban (Reseı) 2:0
Valensııa (Ispanııa) – Sýonsı (Anglııa) 0:3
V
Dınamo (Zagreb, Horvatııa) – Chernomores (Ýkraına) 1:2
PSV (Gollandııa) – Lýdogores (Bolgarııa) 0:2
S
Zalsbýrg (Avstrııa) – Elfsborg (Shvesııa) 4:0
Standard (Belgııa) – Esberg (Danııa) 1:2
G
Dınamo (Kıev, Ýkraına) – Genk (Belgııa) 0:1
Týn (Shveısarııa) – Rapıd (Avstrııa) 1:0
D
Marıbor (Slovenı ıa) – Rýbın (Reseı) 2:5
Zıýlte-Varegem (Belgııa) – Ýıgan (Anglııa) 0:0
E
Fıorentına (Italııa) – Pasýsh (Portýgalııa) 3:0
Pandýrıı (Rýmynııa) – Dnepr (Ýkraına) 0:1
F
Aıntraht (Frankfýrt, Germanııa) – Bordo (Fransııa) 3:0
Makkabı (Tel-Avıv, Izraıl) – APOEL (Grekııa) 0:0
H
Fraıbýrg (Germanııa) – Slovan (Chehııa) 2:2
Eshtorıl (Portýgalııa) – Sevılıa (Ispanııa) 1:2
I
Betıs (Ispanııa) – Lıon (Fransııa) 0:0
Vıtorııa (Portýgalııa) – Rıeka (Horvatııa) 4:0
J
Lasıo (Italııa) – Legııa (Polsha) 1:0
Apollon (Kıpr) – Trabzonspor (Túrkııa) 1:2
K
Sherıf (Moldova) – Anjı (Reseı) 0:0
Tottenhem (Anglııa) – Tromse (Norvegııa) 3:0
L
PAOK (Grekııa) – Shahter (Qazaqstan) 2:1
Makkabı (Haıfa, Izraıl) – AZ (Gollandııa) 0:1
