Prezıdent janyndaǵy Jastar saıasaty jónindegi keńestiń otandyq medıa-qaýymdastyq ókilderimen bolǵan keshegi kezdesýi barysynda Elbasynyń «Jas Otan» jastar qanatynyń II sezinde bergen tapsyrmasy boıynsha qurylǵan Jastar bastamalary qorynyń tusaýkeser rásimi bolyp ótti.
Prezıdent janyndaǵy Jastar saıasaty jónindegi keńestiń otandyq medıa-qaýymdastyq ókilderimen bolǵan keshegi kezdesýi barysynda Elbasynyń «Jas Otan» jastar qanatynyń II sezinde bergen tapsyrmasy boıynsha qurylǵan Jastar bastamalary qorynyń tusaýkeser rásimi bolyp ótti.
Bul qordy qurýdaǵy basty maqsat – jastar bastamalaryn qoldaý jáne jastar saıasatyn qalyptastyrýǵa kómek kórsetý. Tarqatyp aıtqanda, qor jastar uıymdarynyń áleýmettik mańyzdy jobalaryn iske asyrýda qoldaý kórsetýdi jáne jastardyń shyǵarmashylyq deńgeıin ushtaı túsýdi kózdeıdi. Sondaı-aq jastar úshin áleýmettik áseri bar elimizdiń ál-aýqatyn kóterýge baǵyttalǵan jastar kásipkerligin arttyrýdy maqsat tutady. Budan basqa, qor jastardyń ǵylymı jumystary men jas ǵalymdardy qoldaý, jastarmen jumys jasaıtyn mamandardy daıarlaý jáne qaıta daıarlaý qyzmetterin iske asyrýǵa qolushyn sozatyn bolady. Jáne de bilim-ǵylymmen qatar sport, mádenıet, ekologııa jáne óner salasyndaǵy jastardy damytýǵa baǵyttalǵan ınnovasııalyq jobalardy yntalandyrýǵa bastamashy toptar men jastar uıymdaryn granttyq qoldaý máselelerimen aınalysady dep kútilýde.
Prezıdent Ákimshiligi Basshysynyń orynbasary, Prezıdent janyndaǵy Jastar saıasaty jónindegi keńes tóraǵasy Ǵabıdolla Ábdirahymovtyń sózine qaraǵanda, bul keńestiń qurylǵanyna bıyl bes jyl tolyp otyr eken. Atalǵan keńes 2008 jyly Prezıdent Jarlyǵymen qurylypty. Al korporatıvtik basqarý qordyń ashyqtyǵyn qamtamasyz etetin bolady. Qordyń qamqorshylyq keńesiniń quramy keıin qosymsha habarlanatyny aıtyldy. «Dıplommen – aýylǵa!», Jastar praktıkasy, «Jasyl el» sııaqty memlekettik baǵdarlamalar júzege asty. О́ńirlerde kezdesýler ótkizilip, jastardyń máseleleri boıynsha biraz usynystar engizildi.
Jastar saıasaty jónindegi keńes tóraǵasy osy rette Astanada Prezıdent tapsyrmasymen jańa Jastar saraıynyń qurylysy bastalǵandyǵyn tilge tıek ketti. Onda qordyń shtab-páteri ǵana emes, sonymen qatar, kóptegen jastar uıymdarynyń jaılary da ornalasady eken.
Basqosý barysynda «KINOPARK» kınoteatrlar jelisimen áriptestik týraly memorandýmǵa resmı qol qoıý rásimi ótti. Mundaı ıgi shara «Qazaqstan KVN odaǵy» respýblıkalyq jastar qoǵamdyq birlestigimen (memlekettik tilde – «Jaıdarman» KTK lıgasy) áriptestik týraly memorandýmǵa resmı qol qoıýmen jalǵasyn tapty. Kınoprokatpen aınalysatyn uıymmen memorandýmǵa otyrý Qazaqstannyń kóptegen qalalarynda áleýmettik mańyzy bar rolıkterdi aınaldyrýmen baılanysty. Al «Qazaqstan KVN odaǵy» respýblıkalyq jastar qoǵamdyq birlestigimen qol qoıylǵan memorandým «Jaıdarman» KTK lıgasy arqyly Qazaqstannyń tarıhy men memlekettik tildi elge keńinen nasıhattaýǵa múmkindik týǵyzady dep kútilýde.
Asqar TURAPBAIULY,
«Egemen Qazaqstan».
Sýretti túsirgen
Erlan OMAROV.
