Aqmola oblysy iri agrarlyq óńir retinde elimizde óndiriletin joǵary sapaly bıdaıdyń tórtten birin qamtamasyz etedi. Bıylǵy jyly 4 mıllıon 700 myń gektarǵa jergilikti suryptaǵy tuqym sebildi. Munyń 4 mıllıon 248 myń gektary bıdaı bolsa, 360 myń gektaryn arpa daqyly alyp jatyr.
Aýyl sharýashylyǵyn ártaraptandyrý jalǵasyn tabýda. Osylaısha, maıly daqyldar kólemi ulǵaıtylyp, 251 myń gektarǵa jetti. Saladaǵy básekelestikti ornyqtyrý umtylystaryn osydan da kórýge bolady.
Aqmola oblysy iri agrarlyq óńir retinde elimizde óndiriletin joǵary sapaly bıdaıdyń tórtten birin qamtamasyz etedi. Bıylǵy jyly 4 mıllıon 700 myń gektarǵa jergilikti suryptaǵy tuqym sebildi. Munyń 4 mıllıon 248 myń gektary bıdaı bolsa, 360 myń gektaryn arpa daqyly alyp jatyr.
Aýyl sharýashylyǵyn ártaraptandyrý jalǵasyn tabýda. Osylaısha, maıly daqyldar kólemi ulǵaıtylyp, 251 myń gektarǵa jetti. Saladaǵy básekelestikti ornyqtyrý umtylystaryn osydan da kórýge bolady.Jalpy, egistik alqaptan 5 mıllıon tonnadan astam astyq jınalady dep josparlanyp otyr. Qazirgi kúni ár gektardan 12 sentnerden altyn dán bastyrǵan dıqandar qaýymy bergen sertte turýǵa senimdi. Ásirese, jaz aılaryndaǵy 49 kúndik tolassyz jaýynnan keıingi qyzý qarqynǵa qol soǵýǵa bolady. Muny mehanızatorlardyń ortasha eńbek ónimdiligin jospardaǵy 165,4 myń gektarǵa jetkizýge tyrysyp otyrǵanynan baıqaımyz.
Alakóńil dıqan oraqty birshama keshiktirip bastaǵanymen, 20 qyrkúıektegi aqpar boıynsha 2276,1 myń gektardyń eginin destege jyǵyp, 2151,6 myń gektaryn bastyrdy. Bul egistik alqaptyń sáıkesinshe 53,6 jáne 50,6 paıyzyn quraıdy. Iаǵnı, jumys barysynda aıtarlyqtaı alshaqtyq joq. Munyń ózi naýqanǵa jumyldyrylǵan 9 myń, onyń ishinde 979 sheteldik kombaındardy tıimdi paıdalanyp jatqanyn kórsetedi. Astyqty tasymaldaýǵa 4,5 myń júk avtokóligi men traktor tirkemeleri qatystyrylýda.
Oblystyq aýyl sharýashylyǵy basqarmasynyń eginshilik bóliminiń basshysy Jumabek Ábýovtiń aıtýynsha, Jarqaıyń, Esil jáne Jaqsy aýdandarynan basqa aýdandarda aýylsharýashylyq daqyldarynyń pisip-jetilýi 13-15 kúnge keshikken. Máselen, joǵaryda atalǵan aýdandarda shilde-tamyz aılarynda ózge óńirlerge qaraǵanda jańbyr 1,5-2 ese az jaýdy. Osyǵan baılanysty búgingi kúni Jarqaıyń aýdany 319,3 myń gektardyń (60,4 paıyz), Esil aýdany 241,5 myń (55,2), Jaqsy aýdany 175,7 myń gektardyń (54,1 paıyz) astyǵyn bastyryp, kósh basynda keledi. Oblystaǵy egistik alqaptyń 32,4 paıyzyn qamtıtyn bul aýdandardyń qyrkúıektiń sońyna qaraı oraq naýqanyn aıaqtaýǵa múmkindikteri bar.
Dánniń pisip-jetilýin jyldamdatý maqsatynda orman-taýly aýdandarda egistikti gerbısıdtermen óńdeý (desıkasııa) júrgizilip, egindi bólektep orý aýqymy 1 mıllıon gektarǵa ulǵaıtyldy. Bul sapalyq kórsetkishterdi jaqsartýǵa yqpal etetini anyq.
О́tken jyldardyń tájirıbesi astyq qoımalaryn qamdaýǵa aıryqsha kóńil bólý qajettigin kórsetti. Oblystaǵy lısenzııalanǵan 57 astyq qabyldaý kásiporyndary naýqanǵa jaqsy daıyndyqpen kiristi. Olar 3,8 mıllıon tonna dán qabyldaý qýatyna ıe. Sondaı-aq, aýylsharýashylyq qurylymdarynyń qaraýynda 1 mıllıon tonna syıymdylyqtaǵy qoımalar ázirlendi. Qyrkúıektiń 20-syndaǵy derek boıynsha astyq qabyldaý kásiporyndaryna 800 myń tonnadan astam qyzyl dán jetkizildi. Astyqtyń 50 paıyzdan astamy joǵary ylǵaldylyqta ekendigin eskersek, elevatorlar men astyq qabyldaý kásiporyndarynyń jumysy eselene túsetini belgili. Mamandar bul synaqtan súrinbeıtinine senimdi, tek aýa raıy jaqsara tússe degen tilek ústinde.
Baqbergen AMALBEK,
«Egemen Qazaqstan».
Aqmola oblysy.
