Keshe Qazaqstan Respýblıkasynyń Premer-Mınıstri Serik Ahmetov Fransııaǵa jumys sapary aıasynda osy eldiń Premer-mınıstri Jan-Mark Eıromen kezdesti, dep habarlady Premer-Mınıstrdiń baspasóz qyzmeti.
Úkimet basshylary eki el arasyndaǵy saýda-ekonomıkalyq, ınvestısııalyq jáne mádenı-gýmanıtarlyq qyzmettestiktiń kókeıkesti máselelerin talqylady.
Keshe Qazaqstan Respýblıkasynyń Premer-Mınıstri Serik Ahmetov Fransııaǵa jumys sapary aıasynda osy eldiń Premer-mınıstri Jan-Mark Eıromen kezdesti, dep habarlady Premer-Mınıstrdiń baspasóz qyzmeti.
Úkimet basshylary eki el arasyndaǵy saýda-ekonomıkalyq, ınvestısııalyq jáne mádenı-gýmanıtarlyq qyzmettestiktiń kókeıkesti máselelerin talqylady.
Fransııa Qazaqstannyń Eýropadaǵy sheshýshi áriptesi bolyp tabylady, degen S.Ahmetov Astananyń Parıjben tyǵyz únqatysýǵa múddeli ekenin atap kórsetti.
Balamaly energetıka, mashına jasaý, metallýrgııa, elektronıka, hımııa ónerkásibi, tehnologııalar transferti salalarynda birqatar birlesken jobalar belgilenýde. Bizge birlesken jumysty jalǵastyra otyryp, barlyq deńgeılerdegi baılanystardy nyǵaıta túsý qajet, dedi S.Ahmetov.
Qazaqstan Úkimetiniń basshysy áriptesine «Bolashaq energııasy» taqyrybynda Astanada EKSPO-2017 kórmesin ótkizýge daıyndyq barysy týraly habarlap, fransýz tarabyn osy halyqaralyq is-sharaǵa belsendi qatysýǵa shaqyrdy.
Áńgimelesýshiler munaı-gaz, avtomobıl jasaý, atom energııasy salasyndaǵy yqpaldastyqty tereńdete túsý qajettigine nazar aýdardy.
О́z kezeginde J-M.Eıro ekijaqty qarym-qatynastar deńgeıin joǵary baǵalap, bolashaqta da jemisti yntymaqtastyqtyń jalǵasa beretinine senim bildirdi.
Osy oraıda ótken 2012 jyly eki el arasyndaǵy saýda aınalymynyń 6,2 mlrd. AQSh dollaryn quraǵanyn, al ústimizdegi jyldyń birinshi jartyjyldyǵynda onyń 3 mlrd. AQSh dollarynan asyp túskenin aıta ketý qajet. Eksportqa negizinen munaı, metaldar men hımııa ónimderi shyǵarylsa, Qazaqstan Fransııadan ónerkásip jabdyqtaryn, dári-dármek, kosmetıka, avtomobılder men basqa da taýarlar ımporttaıdy.
1994 jyldan bergi kezeńde Fransııanyń Qazaqstan ekonomıkasyna salǵan tikeleı ınvestısııalary shamamen 10 mlrd. AQSh dollaryn qurady.
Osy kúni Serik Ahmetov Ekonomıkalyq yntymaqtastyq jáne damý uıymynyń (EYDU) Bas hatshysy Anhel Gýrrıamen kezdesti.
Áńgime barysynda S.Ahmetov Qazaqstannyń osy uıymmen yntymaqtastyǵynyń birqalypty damyp kele jatqanyn, elimizdiń uıymnyń komıtetteri men túrli baǵdarlamalaryna belsendi atsalysatynyn atap ótti.
Qazaqstan Úkimetiniń basshysy A.Gýrrıaǵa «Qazaqstan-2050» Strategııasynyń negizgi qaǵıdalary týraly habarlap, Qazaqstannyń eń damyǵan 30 memlekettiń qataryna ený jónindegi maqsatyn júzege asyrýda EYDU-ǵa múshe memleketterdiń belsendi ózara qyzmettestigi jaıyna nazar aýdardy.
Bul ońaı emes, biraq qol jetkizýge ábden bolatyn mindet, bul oraıda EYDU-nyń tájirıbesi óte mańyzdy, dedi S.Ahmetov. Sondaı-aq, ol táýelsizdiktiń 20 jyly ishinde Elbasynyń basshylyǵymen elimizdiń úlken joldan júrip ótkenin, búginde áleýmettik-ekonomıkalyq ósýdiń jańa satysynda turǵanyn atap kórsetti.
О́z kezeginde A.Gýrrıa Qazaqstanǵa EYDU-nyń Damý ortalyǵyna qosylýdy usyndy, onyń pikirinshe, bul uıym qyzmetiniń negizgi baǵyttary boıynsha ózara baılanystardy nyǵaıtýǵa jaǵdaı jasaıtyn bolady. Sol sııaqty, EYDU basshysy «jasyl ekonomıkany» damytý mańyzdylyǵyn da atap ótti.
Biz úshin ekologııa, qorshaǵan ortany qorǵaý eń úlken basymdyqqa ıe máseleler bolyp tabylady. Biz Qazaqstannyń óńirdegi «jasyl» strategııanyń kóshbasshysy bolýǵa zor áleýeti bar dep esepteımiz, dedi A.Gýrrıa.
Sapar qorytyndysynda Qazaqstan Premer-Mınıstri qazaqstandyq buqaralyq aqparat quraldary ókilderi úshin brıfıng ótkizdi. Onda Serik Ahmetov Qazaqstan-Fransııa qarym-qatynastarynyń qarqyndy túrde óris ala túskendigin atap kórsetti. Buǵan eki jaqtyń joǵary deńgeıdegi kezdesýleri men Qazaqstan Prezıdentiniń Fransııaǵa sapary barysynda qol jetkizilgen kelisimderdi iske asyrý sharalary úlken yqpal etýde.
Qazaqstan Úkimetiniń basshysy Astananyń Parıjben memleketaralyq baılanystardyń barlyq qyrlary boıynsha jumys isteýge múddeli ekendigin aıta kelip, osy rette aeroǵaryshtyq, energetıkalyq kóliktik jáne mashına jasaý salalary boıynsha yntymaqtastyqtyń jaǵymdy tájirıbeleri qalyptasqandyǵyn atap ótti. Sonymen qatar, Qazaqstandaǵy damý baǵdarlamalaryn júzege asyrýǵa fransýz iskerleriniń qatysýy mańyzdy ekendigine
