«Nur Otan» halyqtyq-demokratııalyq partııasynyń jańa Saıası doktrınasynyń jobasy qazirgi tańda qoǵam tarapynan qyzý talqylanýda. Keshe partııanyń Ortalyq apparatynda da osyndaı talqylaý bolyp, onda shyǵarmashylyq zııaly qaýym ókilderi óz oılaryn ortaǵa saldy.
Bul basqosýǵa «Nur Otan» partııasy Tóraǵasynyń birinshi orynbasary Baýyrjan Baıbek, Parlament Májilisiniń depýtaty, «Mıras» mádenıet jáne ónerdi damytý qoǵamdyq keńesiniń tóraǵasy Qýanysh Sultanov, Parlament Májilisiniń Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev, Á.Tarazı, M.Joldasbekov, K.Salyqov, F.Ońǵarsynova, Ǵ.Esim, S.Orazalın, N.Omashev, J.Erǵalıev, N.Aıtuly, A. Smaıyl jáne basqalar qatysty.
«Nur Otan» halyqtyq-demokratııalyq partııasynyń jańa Saıası doktrınasynyń jobasy qazirgi tańda qoǵam tarapynan qyzý talqylanýda. Keshe partııanyń Ortalyq apparatynda da osyndaı talqylaý bolyp, onda shyǵarmashylyq zııaly qaýym ókilderi óz oılaryn ortaǵa saldy.
Bul basqosýǵa «Nur Otan» partııasy Tóraǵasynyń birinshi orynbasary Baýyrjan Baıbek, Parlament Májilisiniń depýtaty, «Mıras» mádenıet jáne ónerdi damytý qoǵamdyq keńesiniń tóraǵasy Qýanysh Sultanov, Parlament Májilisiniń Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev, Á.Tarazı, M.Joldasbekov, K.Salyqov, F.Ońǵarsynova, Ǵ.Esim, S.Orazalın, N.Omashev, J.Erǵalıev, N.Aıtuly, A. Smaıyl jáne basqalar qatysty.
Kirispe sóz sóılep ashyp, otyrysty júrgizip otyrǵan Q.Sultanov qazan aıynyń 18-inde «Nur Otan» HDP-nyń kezekti XV sezi bolatynyn, kún tártibinde partııanyń jańa Saıası doktrınasy jobasy qaralatynyn aıtyp ótti. Qazirgi kezde óńirlerde partııanyń atalǵan basty qujatynyń jobasy jan-jaqty talqylanýda, degen Q.Sultanov sóz kezegin B.Baıbekke berdi.
Qazirgi ýaqytta Saıası doktrına jobasy barlyq aımaqtar men eldi mekenderde keńinen talqylanyp jatqanyn jetkizgen partııa Tóraǵasynyń birinshi orynbasary óz partııalastarynyń keıbir kezde partııa halyqqa ne úshin kerek, partııanyń qundylyqtary qandaı, partııa qaı baǵdarlamamen shyǵady degen suraqtarǵa jaýabyn bir aýyz sózben jetkize almaıtynyn da jasyrmady. Onyń paıymynsha, partııa qundylyqtary bir qujatqa jınaqtalmaǵan.
Sondaı-aq, ol partııaǵa degen senimniń de artyp kele jatqandyǵyn nazardan tys qaldyrmady. Máselen, jyl basynan beri partııadan kómek surap kelgender sany eki ese ósipti. Jalpy, jyl saıyn partııaǵa 100 myńnan asa aryz-shaǵym tússe, sonyń kóbi óz sheshimderin tabýda eken. Aryzdanýshylardyń 40 paıyzy óziniń quqyǵyn bilmeıdi, dep sózin sabaqtaǵan B.Baıbek zańdy túrde máseleni qalaı sheshýge bolatynyn túsindirip beremiz degendi de aıtty. Til, mádenıet salalaryna qomaqty qarjy bólinip jatsa, partııa tarapynan shyǵarmashylyq ókilderin qarjylandyrý úshin qarajat máselesi de qarastyrylý ústinde, degen ol jumys Doktrınaǵa súıene otyryp júrgizilip, baqylaý kúsheıetinin jetkizdi.
Doktrına jobasynda kórsetilgendeı, rýhanııat pen mádenıet ultty biriktiredi jáne onyń minez-qulqyn qalyptastyrady. Ol bizdiń ana tilimizde, ata dástúrimizde, tarıhı muramyzda, bizdiń belgi-tańbalarymyzda tunyp tur. Osy oraıda, memlekettik til rýhanııat pen el birliginiń negizgi faktory bolýy tıis. Sondyqtan bizdiń partııamyz árqashan qoǵamymyzdyń biregeıligin aıqyndaıtyn rýhanı jáne mádenı qundylyqtardy saqtap, ony nyǵaıtýǵa atsalysatyn bolady, dedi B.Baıbek.
Áli de kóptegen usynystar kelip túsýde, degen B.Baıbek qujatqa taǵy da ózgerister engiziletininen habardar ete ketti. Bul – biz bir jerden oılap shyǵarǵan qundylyqtar emes, bul Elbasy saıasatynyń arqasynda qalyptasqan bizdiń negizgi qundylyqtarymyz. Rýhanı álem men mádenıetsiz eshqandaı memleket bolmaıdy. Eger osy qundylyqtardy jaqsy túsinsek, ony halyqqa nasıhattaý ońaı bolmaq, dedi partııa Tóraǵasynyń birinshi orynbasary.
Kelip jatqan usynys-pikirlerdiń kóp ekenin eskersek, talqylaýdyń ári qaraı da jalǵasatyny anyq.
Asqar TURAPBAIULY,
«Egemen Qazaqstan».
