«Nur Otan» HDP «Birlik» astanalyq fılıaly «Nur Otan. Nurly bolashaq jolynda!» atty partııanyń jańa Saıası doktrınasy men jańa mindetterin talqylaý jóninde X kezekten tys konferensııasyn ótkizdi. Bul shara bıylǵy jyldyń 18 qazanynda bolatyn «Nur Otan» partııasynyń XV kezekten tys sezi sheńberinde ótti.
«Nur Otan» HDP «Birlik» astanalyq fılıaly «Nur Otan. Nurly bolashaq jolynda!» atty partııanyń jańa Saıası doktrınasy men jańa mindetterin talqylaý jóninde X kezekten tys konferensııasyn ótkizdi. Bul shara bıylǵy jyldyń 18 qazanynda bolatyn «Nur Otan» partııasynyń XV kezekten tys sezi sheńberinde ótti.
Konferensııa aıasynda Memleket basshysy N.Nazarbaevtyń «Qazaqstan-2050» Strategııasy men partııanyń jańa Saıası doktrınasyn iske asyrý aıasyndaǵy partııa aldyna qoıylǵan mindetteri talqylandy.
Jıynǵa qatysýshylar «Qazaqstan-2030» Strategııasyn iske asyrýda partııa rólin belgileý jónindegi «Nur Otannyń» birinshi doktrınasy 2001 jylǵy 20 sáýirde bekitilgenin, al 2012 jylǵy jeltoqsan aıynda Elbasynyń elimizdiń damýynyń jańa baǵyttary men baǵdarlary aıqyndalǵan «Qazaqstan-2050» Strategııasyn usynǵanyn atap óte kele, Doktrınanyń qabyldanýymen elimizdiń jańa saıası baǵytyn iske asyrýdaǵy partııanyń orny men róli anyqtalatynyn jetkizdi.
Máselen, konferensııa aıasynda sóz alǵan «Birlik» fılıaly tóraǵasynyń orynbasary Álııa Qaısharova jańa Strategııaǵa toqtala kele, ony júzege asyrýdaǵy Doktrınanyń mańyzy jóninde aıtyp ótti. ««Nur Otan» – bul respýblıkanyń barlyq óńirlerinde fılıaldary bar, jalpyhalyqtyq partııa. Biz halyqtyń basym kópshiliginiń qoldaýyna ıe bolyp otyrmyz. Qazaqstan Parlamenti Májilisiniń sońǵy saılaýynda bizge turǵyndardyń 81 paıyzy daýys berdi. Osy kezge deıin Qazaqstannyń bir de bir saıası partııasy eldiń strategııalyq damý baǵytyna sáıkes keletin Doktrına usyna almady. «Qazaqstan-2050» Strategııasynyń jańa saıası baǵytyn iske asyrýda partııanyń uzaq merzimdi keleshekke arnalǵan partııa qyzmetiniń negizgi basymdyqtary, bazalyq qaǵıdalary, irgeli qundylyqtary týraly naqty kórsetilgen strategııalyq sıpattaǵy qujat qajet. Mundaı qujat bar. Bul – «Nur Otannyń» jańa Doktrınasy. Ol damýdyń jańa kókjıekterin ashyp, partııanyń ıdeıalyq-dúnıetanymdyq jáne qundylyqty baǵdarlarynyń nusqalaryn anyqtaıdy. Partııanyń Saıası doktrınasynyń negizi – el azamattarynyń ómirin sapalyq turǵydan jaqsartýǵa umtylý», dedi bul oraıda Á. Qaısharova.
Al Aýyl sharýashylyǵy mınıstrliginiń jaýapty hatshysy Arman Evnıev: «Partııanyń HIV sezinde sóıleı otyryp, Elbasy «Partııanyń kúshi – onyń qoǵamdy synaqtan alyp ótý arqyly turaqtylyq pen halyqtyń birligin nyǵaıtý qabilettiliginde» ekenin atap ótken bolatyn, shyndyǵynda tarıhı qysqa ýaqyt ishinde «Nur Otan» halyqtyq-demokratııalyq partııasy Qazaqstannyń partııalyq-saıası keńistiginde bıik qoǵamdyq birlestikke aınalǵanyna barlyq qazaqstandyq qoǵam kýá bolyp otyr», deı kele, ınnovasııalyq damý, turmys deńgeıin arttyrý, qoǵamdaǵy turaqtylyq – partııanyń úsh tuǵyrlyq mindeti ekenin aıtty.
Bul kúngi konferensııanyń sońynda onyń qatysýshylary jańa Saıası doktrınany maquldap, partııanyń «Birlik» fılıaly saıası keńesiniń, saıası keńes bıýrosynyń, jemqorlyqqa qarsy kúres jónindegi qoǵamdyq keńesiniń, aqparattyq-nasıhat toby men partııalyq baqylaý komıssııasynyń quramyna ózgerister engizdi.
Láıla EDILQYZY,
«Egemen Qazaqstan».
