Eńbek jáne halyqty áleýmettik qorǵaý mınıstri Tamara Dúısenova jumys saparymen Pavlodar oblysynda boldy. Mınıstr Ekibastuz qalasyna qarasty Báıet aýylynyń tynys-tirshiligimen tanysyp, «Bogatyr-Kómir» jaýapkershiligi shekteýli seriktestiginiń ujymymen, qala jastarymen kezdesti.
Eńbek jáne halyqty áleýmettik qorǵaý mınıstri Tamara Dúısenova jumys saparymen Pavlodar oblysynda boldy. Mınıstr Ekibastuz qalasyna qarasty Báıet aýylynyń tynys-tirshiligimen tanysyp, «Bogatyr-Kómir» jaýapkershiligi shekteýli seriktestiginiń ujymymen, qala jastarymen kezdesti.
Báıet aýyldyq aýmaǵynda 15 kásipker «Jumyspen qamtý-2020» baǵdarlamasy boıynsha nesıe alǵan. Jas kásipker Rústem Shaıhatov mınıstrge baǵdarlamanyń tómen paıyzben bes jylǵa berilip otyrǵanyn aıtyp berdi. Mal sharýashylyǵyn damytý úshin 1 mıllıon 300 myń teńgege 5 iri qara, 10 qoı alypty. Qazir óziniń aýladaǵy maldaryn qosqanda 20 iri qara, 30 bas qoıy bar. Al óńirdegi jumyssyzdyq deńgeıi, jastardy jumyspen qamtý jaıly máseleler qalalyq mýzyka mektebinde ótken jıynda sóz boldy. Júzdesý erkin túrde, suraq-jaýap túrinde ótti.
Ekinshi kúni qaladaǵy «Qaınar» mádenıet úıinde «Nur Otan» HDP Ekibastuz qalalyq fılıalynyń H kezekten tys konferensııasy ótti. Konferensııa jumysyna Eńbek jáne halyqty áleýmettik qorǵaý mınıstri Tamara Dúısenova, Statıstıka agenttiginiń tóraǵasy Álıhan Smaılov, «Nur Otan» HDP oblystyq fılıalynyń tóraǵasy, oblys ákimi Erlan Aryn, qalalyq partııa fılıalynyń saıası keńes músheleri, oblystyq, qalalyq máslıhat depýtattary, partııalyq uıymdardyń, qoǵamdyq birlestikterdiń, jastar uıymdary, BAQ ókilderi qatysty.
Jıynda «Nur Otan» partııasynyń jańa Saıası doktrınasy ortaǵa salyndy. «Doktrınada ıdeıalyq-dúnıetanymdyq kózqarastar men partııanyń basty baǵdarlary naqty anyqtalǵan. Bul partııanyń basty qujaty deýge bolady. Jańa Saıası doktrınany qabyldaý partııanyń sapaly jańa damý kezeńine ótýin qamtamasyz etýi qajet, dep atap ótti oblys ákimi Erlan Aryn.
Farıda BYQAI,
«Egemen Qazaqstan.
EKIBASTUZ.
