Úkimet basshysy «Saryarqa» AEA-ǵa baryp, onda «Steel Manufacturing» JShS patron zaýytynyń birinshi kezegin iske qosty.
Sonymen qatar A. Mamın «Seven Refractories Asia» JShS otqa tózimdi materıaldar shyǵaratyn zaýytynyń qyzmetimen tanysty. Jobaǵa salynǵan ınvestısııa kólemi 1,7 mlrd teńgeni qurady, 70 jumys orny ashyldy. Zaýyt qyzmetkerleri Eýropada oqýdan ótken. О́ndiristik qýattylyǵy — jylyna 38 myń tonna ónim, negizgi kólemi Reseı men Qyrǵyzstanǵa eksporttalady, sondaı-aq «Arselor Mıttal Temirtaý» AQ kásiporyndaryna jetkiziledi.
Premer-Mınıstr jyl saıyn jalpy kólemi 120 myń tonna bolat jáne shoıyn ónimderiniń 900-den astam ónim túrin shyǵaratyn «Qaz Carbon» JShS quıý zaýyttarynyń birlestigine bardy. Zaýytta 1200-den astam adam jumys isteıdi.
A. Mamın jańa ferroqorytpa zaýyty men kómir baıytý fabrıkasynyń qurylysymen tanysty. Investısııanyń jalpy kólemi 36,2 mlrd teńgeni quraıdy, jobalardy iske asyrý qurylys kezeńinde 1 700-den astam, al ony paıdalaný kezeńinde 510 jańa jumys ornyn qurýǵa múmkindik beredi. Jańa óndirister jyl saıyn 57 myń tonna ferroqorytpa, 240 myń tonna aglomerat jáne 1,7 mln tonna kúli az, baıytylǵan kómir shyǵarýǵa jol ashady. Eki joba qorshaǵan ortany qorǵaýdyń zamanaýı talaptaryna sáıkes keledi.
Úkimet basshysy Qaraǵandy qalasynyń avtojol, turǵyn úı jáne áleýmettik ınfraqurylymyn jóndeý jáne salý jobalarynyń, onyń ishinde Jumyspen qamtýdyń jol kartasy aıasynda iske asyrylýyn tekserdi.
A. Mamın «Global City» kóterme-taratý ortalyǵynda (KTO) bolyp qaıtty, ony bıyl jazda paıdalanýǵa berý kózdelgen. Aýdany 60 ga KTO (2023 jylǵa qaraı 100 ga deıin keńeıtiledi) qurylys jumystary men ony paıdalanýdyń barlyq kezeńderinde 5 myń jańa jumys ornyn qurýǵa múmkindik beredi jáne «Soltústik ‒ Ońtústik» jelisi boıynsha aýyl sharýashylyǵy ónimderiniń aǵynyn qamtamasyz ete otyryp, QR ulttyq taýar ótkizý júıesindegi eń iri nysanǵa aınalady.
Qaraǵandy oblysynyń Saran qalasynda «Yutong» markaly avtobýstar men arnaıy mamandandyrylǵan tehnıka shyǵaratyn zaýyt salynady. QR Premer-Mınıstri A. Mamınniń óńirge sapary aıasynda tıisti memorandýmǵa qol qoıyldy. Investısııa kólemi shamamen 23 mlrd teńgeni quraıdy, 1 100 jańa jumys orny ashylady, jyldyq jobalyq qýattylyǵy — 1 200 avtobýs jáne 500 dana arnaıy tehnıka. Bul QR ishki naryǵyn qamtamasyz etip qana qoımaı, sonymen qatar ónimderdi EAEO elderine eksporttaýǵa múmkindik beredi.
