О́tken aptada «Azamattarǵa arnalǵan úkimet» memlekettik korporasııasy koronavırýs pandemııasy qaýipiniń saqtalýyna baılanysty memlekettik qyzmetterdi kórsetýdiń jańa formatyn usyndy, oǵan sáıkes azamattar HQO-dan tek «qaǵaz júzindegi» qyzmetter men onlaın túrde rásimdelgen qyzmetterdiń nátıjelerin ala alady. Bul rette qyzmetterdi tek aldyn ala jasalǵan brondaý arqyly alýǵa bolady. Halyqqa qyzmet kórsetý ortalyǵyna kezek ýaqytyn egov.kz portaly nemese 1414 nómirine qońyraý shalý arqyly belgileýge bolady.
- «Azamattarǵa arnalǵan úkimet» memlekettik korporasııasynyń Mańǵystaý oblysy boıynsha fılıal dırektory Erbol Baıjigittiń aıtýynsha, karantın rejiminde HQKO ashylýyn halyqtyń kútkeni baıqaldy. Keshegi kúnniń ózinde aqtaýlyq turǵyndardyń 95-i jeke kýáligi men pasportyn jańartty. 44 turǵyn júrgizýshi kýáligin aldy. Bul operasııalardyń barlyǵy aldyn ala brondaý boıynsha júzege asyryldy, - dedi Erbol Baıjigit.
Ol, sondaı-aq kezekke tapsyrys bergen klıentterdiń qatań túrde belgilengen ýaqyt aralyǵynda kelý kerektigin aıtty, sebebi bron ýaqyty ótip ketse, qaıta brondaý rásimin jasaý kerek. Sonymen qatar bron barysynda tirkelgen JSN ıesi ǵana elektrondy kezekti paıdalana alady.
Esterińizge sala keteıik, 4 mamyrdan bastap tótenshe jaǵdaı tártibin qamtamasyz etý jónindegi shtabtardyń sheshimimen birqatar aımaqta halyqqa qyzmet kórsetý ortalyqtary ashyldy. Atap aıtqanda, Qaraǵandy, Aqtaý jáne Oral qalalarynda jeke tulǵalarǵa qyzmet kórsetý úshin aldyn ala brondaý arqyly HQO-lar ashyldy, al Nur-Sultan qalasy men Aqmola, Aqtóbe, Atyraý, Soltústik Qazaqstan jáne Túrkistan oblystarynda HQO-lar shaǵyn jáne orta bızneske qyzmet kórsetý úshin ashyldy.
Mańǵystaý oblysy
