Ońtústik Qazaqstan oblysynda 6 000 teńge úshin aýyldasynyń qanyn moınyna júktegen jas jigit shyqty. Quqyq qorǵaý organdary qyzmetkerleri osyndaı kúdikpen qamaýǵa alǵan bul jigit orta mektepte tarıh páninen sabaq beretin muǵalim kórinedi.
Ońtústik Qazaqstan oblysynda 6 000 teńge úshin aýyldasynyń qanyn moınyna júktegen jas jigit shyqty. Quqyq qorǵaý organdary qyzmetkerleri osyndaı kúdikpen qamaýǵa alǵan bul jigit orta mektepte tarıh páninen sabaq beretin muǵalim kórinedi.
Oqıǵa 17 qyrkúıek kúni oryn alǵan. Sol kúni Sozaq aýdandyq polısııa bólimine jergilikti turǵyndar qońyraý shalyp, Tasty aýyly arqyly ótetin jol boıynda belgisiz bireýdiń denesi jatqanyn jetkizgen. Aıtylǵan jerge jedel jetken arnaıy top marqumnyń sol aýyldyń 1965 jyly týǵan azamaty ekenin anyqtaıdy. Shuǵyl izdestirý jumystary nátıjesinde kóp uzamaı 1982 jyly týǵan aýyl azamaty ustalyp, óz kinásin tolyq moıyndaıdy.
Kúdiktiniń aıtýynsha, ol kóligimen kele jatqanda ózine 6 000 myń teńge qaryzy bar jigitti kóshe boıynan kórip qalady. Sol jerde bul odan qaryzyn qaıtarýdy talap etedi. Munyń sońy ekeýara jaǵa ustasýǵa ulasyp, artynan qym-qıǵash tóbeles bastalyp ketedi. Sol arpalysta jeńilip bara jatqanyn sezgen muǵalim qaltasynan pyshaq shyǵaryp, onyń keýde tusyna urǵan. Osy soqqy alpamsadaı azamattyń qaza tabýyna aparyp soqtyrǵan.
«Qazirgi tańda aıǵaqty zat retinde onyń avtokóliginiń ishinen qan daqtarymen pyshaq alynyp otyr. Kúdikti azamat qamaýǵa alyndy. Tergeý jalǵasyp jatyr», – dedi osyǵan oraı oblystyq ishki ister departamenti baspasóz qyzmetiniń hatshysy Saltanat Qarakózova.
Qurysh NURYMBET.
