Oraldaǵy áskerı bólimde Ishki ister mınıstrligi ishki áskerleriniń 5517 áskerı bólimshesiniń úsh jaýyngeri gazǵa ýlanyp qaldy. Osynyń saldarynan bir adam qaza tapty. Bul týraly «Ýralskaıa nedelıa» aptalyǵy habarlady.
Basylym osy oraıda áskerı bólim komandıriniń tárbıe jáne quqyqtyq jumys jónindegi orynbasary, podpolkovnık Qanat Bilálovtiń sózinen dáıek keltiredi. Al materıaldyq-tehnıkalyq qamtamasyz etý rotasynyń qatardaǵy jaýyngerleri Nursultan Abdýlla, Tilen Berın jáne kelisimshartpen kelgen aǵa serjant Zalmuhanov áskerı bólimdegi kúzgi kezeńge daıyndyqqa saı kanalızasııany tazalaý jóninde buıryq alady. Olar ózderimen birge onda protıvogaz ala barǵan.
Sońynan olardyń bári tómendegi gazǵa qatty ýlanyp qalǵan. Sonyń saldarynan qatardaǵy jaýynger Abdýlla qaza tabady. Qalǵan ekeýi jansaqtaý bólimine jetkiziledi.Qaza tapqan Abdýlla áskerge 2012 jyldyń jeltoqsanynda Qyzylorda oblysynan shaqyrylǵan eken. Qazir onyń máıitin týǵan jerine jetkizý máselesi sheshilip jatyr. Al tiri qalǵan jaýyngerlerdiń týǵan-týystary ótemaqy alady.
Máseleniń anyq-qanyǵy anyqtalyp jatyr.
Murat AITQOJA.
