Kontınenttik hokkeı lıgasynyń turaqty chempıonatynda oınap jatqan Astananyń «Barys» komandasynyń hokkeıshileri burnaǵy kúni Hanty-Mansııskide jergilikti «Iýgrany» 6:2 esebimen talqandap shyqty.
Kontınenttik hokkeı lıgasynyń turaqty chempıonatynda oınap jatqan Astananyń «Barys» komandasynyń hokkeıshileri burnaǵy kúni Hanty-Mansııskide jergilikti «Iýgrany» 6:2 esebimen talqandap shyqty.
Astanalyqtar ózderiniń birinshi syrt jaqtaǵy matchyn óte qarqyndy bastady. Olar 10-mınýtqa qaraı 3:0 esebimen alǵa shyǵyp úlgerdi. Jerlesterimizden bul shaıbalardy Dmıtrıı Ýpper, Alekseı Lıtvınenko jáne Brendon Bochenskı túsirdi. Alań ıeleri buǵan Alekseı Peplıaevtiń belsendiligimen bir ret qana jaýap qaıtara aldy.
Qonaqtar ekinshi kezeńde Mıhaıl Rahmanov soqqan bir shaıbanyń arqasynda basymdylyqty burynǵy qalpyna keltire bildi. Sońǵy kezeńde astanalyqtar Dastın Boıdtyń eki shaıbasy arqyly esepti talqandaý dárejesine jetkizdi. Al sońǵy núkteni 46-mınýtta ıýgralyq Vladımır Gorbýnov qoıdy.
Osymen 6 matchta 15 upaı jınaǵan «Barys» Shyǵys konferensııasynda top bastap keledi. Ol kelesi oıynyn erteń Astanada «Avtomobılıspen» ótkizedi.
