Burnaǵy kúni túnde Grekııanyń Salonıkı qalasynda jergilikti PAOK-pen Eýropa lıgasynyń toptyq kezeńindegi birinshi matchyn ótkizgen Qaraǵandynyń «Shahteri»1:2 esebimen utylyp qaldy.
Burnaǵy kúni túnde Grekııanyń Salonıkı qalasynda jergilikti PAOK-pen Eýropa lıgasynyń toptyq kezeńindegi birinshi matchyn ótkizgen Qaraǵandynyń «Shahteri»1:2 esebimen utylyp qaldy.
Jerlesterimiz tóreshiniń qosqan sońǵy eki mınýttyq qosymshasynda bir gol jiberip alyp, kezdesýdiń qorytyndysynda jeńilýge májbúr boldy. Al alańdaǵy oıyn kóp ýaqyt eki komandanyń teń dárejedegi teketiresi jaǵdaıynda ótip jatty. Soǵan qaramastan, qarsylastar úziliske osylaı esep asha almaǵan kúıleri shyqty. Al 49-mınýtta grekter ózderiniń aıyp alańdaryna kelgen Roher Kanıasty qaǵyp qulatty. Penaltı! Ony jábir kórýshiniń ózi júzege asyrdy.
Jasyratyny joq, qaraǵandylyqtar osydan keıin oınamaı qoıdy. Shamasy, osy eseppen match sońyna deıin jetemiz dep oılasa kerek. Biraq olaı bolmaı shyqty. О́z alańynda utylyp qalý qaýpi týǵan grekter endi jantalasa alǵa umtyldy. Osy umtylysty olar eki ret golǵa aınaldyra bildi. Bulardyń birinshisin 75-mınýtta Stefanos Atanasıadıstiń kómegimen túsirgen olar oıynǵa qosylǵan ekinshi mınýtta jeńisti de birjola tartyp áketti. Onyń retin match bitýge 5 mınýt qalǵanda alańnan kóringen Zvonımır Výkıch keltirdi.
Osylaısha «Shahter» qosymsha qosylǵan ýaqytta jeńiliske ushyrady.
Toptyń kelesi týry oıyndary 3 qazan kúni oınalady. Bul kúni qaraǵandylyqtar Izraıldiń Haıfa qalasynyń «Makkabı» komandasyn qabyldaıdy.
Rýslan IGILIK.
