1 mamyrdan bastap munaı óndirýdi shekteý týraly OPEK + kelisimi kúshine engennen keıin Brent etalonynyń baǵasy 5 dollardan astam qymbattady. Búgin tańerteń ótken aýksıonda Brent fıýchersteriniń baǵasy barreline 31,01 dollarǵa deıin ósti, al WTI quny barreline 24,58 dollarǵa deıin kóterildi.
Jalpy, 28 sáýirden 5 mamyrǵa deıin Soltústik teńizdegi etalondyq munaı baǵasy 10 dollarǵa qymbattady.
Sarapshylar shıkizat baǵasynyń oń dınamıkasyn eksporttaýshy 23 elde munaı óndirisin táýligine 9,7 mln barrelge qysqartý týraly 1 mamyrdaǵy OPEK + kelisiminiń kúshine enýine baılanysty bolýy múmkin dep boljap otyr. Sebebi sońǵy jeti kúndegi jaǵdaı naryqtaǵy suranys pen usynystyń tepe-teńdigin qalpyna túsip kele jatyr degen batylyraq aıtýǵa bolady. Sonymen qatar, jaqynda «Shevron», «EksonMobıl» jáne basqa da iri munaı óndirýshiler fıýcherster baǵasyna jaǵymdy áser etýi múmkin bıylǵy jyly óndiristi qysqartý týraly josparlaryn jarııalady.
«Goldman Sachs munaıǵa álemdik suranystyń birtindep qalpyna kelýin kútip, 2021 jyly WTI markaly munaı baǵasynyń barreline 48,50 dollardan 51,38 dollarǵa deıin kóterdi» dep jazady Oilprice aqparattyq portaly.
Esterińizge sala keteıik, 12 sáýirde OPEK + aıasynda munaı eksporttaýshy elder osy jyldyń mamyr-maýsym aılarynda óndiristi táýligine 9,7 mln barrelge qysqartý týraly kelisim jasasty. Kelesi jartyjyldyqta óndiristiń kelisilgen tómendeýi 7,7 mıllıonǵa jetedi, ári qaraı, 2021 jyldyń 1 qańtarynan 2022 jyldyń 30 sáýirine deıin kúndelikti tómendeý 5,8 mıllıon barrelge deıin azaıady.
Qazaqstan óndiristi ótken jyldyń qazan aıynda kúshine engen 1,7 mıllıon barrel deńgeıinen táýligine 390 myń barrelge azaıtýǵa mindetteme aldy.
