AQSh-tyń 9 mıllıonǵa jáne Ulybrıtanııanyń 2 mıllıonǵa jýyq turǵyny «facebook» áleýmettik jelisin qoldanýdan bas tartty. Bul týraly «Ekspress K» gazeti másele kóterdi.
«Adamdar AQSh ulttyq qaýipsizdik agenttiginiń jasyryn baqylaýy syndy BAQ-ta keńinen kóterilip otyrǵan kıberkeńistiktegi jeke maǵlumattar qaýipsizdiginiń qamtamasyz etilmeý máselesine kúnnen kúnge alańdaýshylyq bildirýde», – dedi «Cyberpsychology, Behaviour and Social Networking» jýrnalynyń redaktory Brenda Ýıderhold.
Bul máseleniń nelikten týyndaǵanyn anyqtaý úshin Vena ýnıversıteti biraz zertteý jasap, jeliden bas tartýshylar arasynan saýalnama júrgizgen edi. Saýalnama nátıjesi boıynsha, jeli tutynýshylarynyń 48,3 paıyzy ǵalamtordaǵy jeke maǵlumattarynyń baqylaýǵa ushyraýynan qaýiptengen. Al 13,5 paıyzy jeli qyzmetine kópshiliktiń kóńili tolmaýyn negizge alsa, qalǵandary áleýmettik jelige táýeldi bolyp qalýdan qorqatyn kórinedi.
Aıdar О́risbaev.
