Ár jyldary «Nomad», «Snejnye barysy», «Torpedo-Qazsınk» komandalarynda sheberligin shyndaǵan 24 jastaǵy Qaraǵandynyń týmasy «Barystyń» sapynda da aıshyqty ónerimen kózge tústi. QHL-dyń turaqty chempıonatynda 60 ret muz aıdynyna shyqqan shabýylshy 17 gol soǵyp, 15 márte nátıjeli pas berdi. Barlyǵy – 32 upaı. Odan bólek, ol Qazaqstan quramasy sapynda jasóspirimder men jastar arasyndaǵy álem birinshilikterinde bes ret baq synady.
Búgingi tańda Nıkıta Mıhaılıske «Avangard», «Avtomobılıst» jáne «Salavat Iýlaev» sekildi klýbtar «quda túsýde». Eger jerlesimiz aıtýly komandalardyń birine aýysatyn bolsa, onda ol ótemaqy retinde «Barystyń» esepshotyna 180-200 mıllıon teńge (shamamen 470 myń AQSh dollary) aýdarýǵa tıis.
