Keshe, 21 qyrkúıek kúni elimizdiń birqatar stadıondarynda fýtboldan Premer-lıga komandalary arasyndaǵy chempıonattyń kezekti 27-týrynyń oıyndary oınaldy.
Aqtóbedegi Qobylandy atyndaǵy ortalyq stadıonda jergilikti «Aqtóbe» «Astanany» qabyldap, 2:0 esebimen jeńiske jetti. Matchtaǵy birinshi goldy 52 mınýtta ózbekstandyq legıoner Tımýr Kapadze saldy. Al sońǵy gol tóreshiniń qosymsha belgilegen 6-mınýtynda (!) soǵyldy. Ony túbi reseılik Marat Haırýllın óz esebine jazdy.
Osy kúni oınalǵan basqa matchtar mynadaı nátıjeler ákeldi:
«Vostok» (О́skemen) – «Jetisý» (Taldyqorǵan) 0:0
«Taraz» (Taraz) – «Atyraý» (Atyraý) 1:1
(Goldar: Obıora, 36 – Alvız, 66-penaltı)
«Aqjaıyq» (Oral) – «Tobyl» (Qostanaı) 1:3
(Goldar: Cherny, 78 – Kýrtıshı, 7, Býgaev, 20, 74).
«Ertis» (Pavlodar) – «Ordabasy» (Shymkent) 3:0
(Goldar: Baqaev, 48-penaltı, Mýhýtdınov, 55, Chernyshov, 75).
Týrdyń oıyndaryn búgin saǵat 16-00-de Almatyda bastalatyn «Qaırat» pen «Shahterdiń» arasyndaǵy oıyn tııanqtaıdy. Bul komandalar Qazaqstannyń táýelsizdik jyldaryndaǵy chempıonattarynda ózara 42 ret kezdesipti. Sonyń 18-inde – «Shahter», 17-sinde «Qaırat» jeńiske jetken. Dop aıyrmashylyǵy: 52-51 esebimen almatylyqtardyń paıdasynda. Match tikeelı efır arqyly «KazSport» arnasynan kórsetiledi.
Qazir 1-6 oryndar úshin talasyp jatqandar arasynda 27 oıynnan 33 upaı jınaǵan «Aqtóbe» top bastap keledi. Ekinshi oryndaǵy «Astana» odan úsh upaı qalyq tur.
Damır Qojamqul.
