«Open space» qaǵıdaty boıynsha jumys isteıtin ortalyqta Aqsý aýdanynyńń 6 memlekettik mekemesi qyzmet kórsetýdi bastady. Qazir bul jerden 49 memlekettik qyzmetti birden alýǵa bolady eken. Ári munda kelýshilerge qolaıly jaǵdaı jasalǵan, ózine-ózi qyzmet kórsetý buryshy uıymdastyrylypty. Sondaı-aq múmkindigi shekteýli jandarǵa da yńǵaıly jaǵdaı qarastyrylǵan.
- Prezıdent Qasym-Jomart Toqaevtyń halyqqa arnaǵan Joldaýynda aıtylǵandaı, oblysta «Halyq únine qulaq asatyn memleket» tujyrymdamasyn oryndaý qolǵa alynǵan. Osy mindet sheńberinde aýdan ortalyǵynan «Servıstik ákimdik» jobasyn iske qostyq. Bul – memlekettik organ kórsetetin memlekettik qyzmet túrleriniń ashyqtyǵyn qamtamasyz etý maqsatynda júzege asyp otyr. Endi aýdandyq jumyspen qamtý jáne áleýmettik baǵdarlamalar bóliminiń ǵımaratynda ornalasqan «Servıstik ákimdik» keńsesinde sybaılas jemqorlyq deńgeıin qysqartýǵa, aýdandaǵy azamattardyń memlekettik bılik ınstıtýttaryna senimin arttyrý negiz bolatyn jumys atqarylmaq. Osy jerde «Jetisý- adaldyq alańy» keńsesi jumys isteıdi. Bul jobalyq keńsede jergilikti atqarýshy organdar men bólim qyzmetkerleriniń qyzmeti uıymdastyrylatyn bolady, - deıdi Aqsý aýdanynyń ákimi Esim Bazarhanov.
