Sýret: A. Qajybekovtyń jeke arhıvinen
Áskerı qyzmetin ótep, týǵan jerge oralaıyn dep júrgende Ekinshi dúnıejúzilik soǵys bastalady.
Sóıtip, jaýynger Daýylbaı Shekshekuly ofıserlik quramdy daıarlaıtyn arnaıy oqý kýrstarynda bilim alyp, leıtenant áskerı ataǵyn alady.
Ol Ýkraına maıdanynda 687-shi atqyshtar polkinde soǵysqa qatysqan. Al, úıine jiberligen «Nagradtaý paraǵynda» áskerı basshylyq Daýylbaı Shekshekulynyń batyl, jigerli ofıser ekendigin atap ótti.
Sonymen birge, «Gron jáne Morava ózenderinen ótý kezinde ol óziniń vzvodymen ótkelden ótip, jaýdyń kúshterin qýyp, shepti jaryp ótti» dep jazylǵan.
Kishi Karpat taýlarynan ótý kezinde, Kýhvenıa selosy úshin bolǵan urystarda jaý dzottaryn qıratýǵa qatysqan. Osy urystarda Daýylbaı Shekshekuly basqarǵan vzvod jaýǵa toıtarys berip, mınomet batareıasynyń kózin joıǵan.
Al, Pasaglavkı selosynyń janyndaǵy jaý qorshaýynol basqaratyn rota buzyp kirip, 11 nemis soldatyn qolǵa túsirgen.
Osy urystarda kórsetken jaýyngerlik erligi úshin ekinshi dárjeli «Otan soǵysy» jáne «Qyzyl Juldyz» ordenderimen marapattalady.
- Soǵystyń sońǵy kúnderinde Daýylbaı atamyzdyń basyna snarıad jaryqshaǵy tıip, bir jaq ıegin julyp áketedi. Gospıtalde emdelip, elge oralǵan soń uzaq jyldar sol kezdegi Ekibastuz aýdany, «Komsomol» sovhozynda aýyldyq sovettiń tóraǵasy bolyp qyzmet etti. Aýyldastary eske alyp, qurmet tutady,- deıdi Aıdyn Qajybekov.
Daýylbaı Shekshekuly soǵys taýqymeti men aýyr jaraqattyń saldarynan 1971 jyly 49 jasynda qaıtys boldy.
Zaıybymen birge tórt balany dúnıege ákelip, olardan 17 nemere-jıen kórdi. Naǵashy atamyzdyń beınesi óz ómirin jer betindegi beıbit ómir úshin qıǵan batyl jaýynger retinde-áýlet urpaqtarynyń jadynda máńgilik saqtalady.
Ekibastuz qalasy
