Keshe Májiliste «Kedendik ákimshilendirýdi jetildirý» taqyrybynda Úkimet saǵaty ótip, onda Qarjy mınıstri Bolat Jámishev baıandama jasady. Mınıstr óz sózinde 2013 jyldyń segiz aıynyń qorytyndysy boıynsha bıýdjettiń kirisine 855,5 mlrd. teńge kedendik tólemder men salyqtar túskendigin erekshe atap ketti.
Keshe Májiliste «Kedendik ákimshilendirýdi jetildirý» taqyrybynda Úkimet saǵaty ótip, onda Qarjy mınıstri Bolat Jámishev baıandama jasady. Mınıstr óz sózinde 2013 jyldyń segiz aıynyń qorytyndysy boıynsha bıýdjettiń kirisine 855,5 mlrd. teńge kedendik tólemder men salyqtar túskendigin erekshe atap ketti.
Mınıstrdiń málimetine qaraǵanda, kedendik ákimshilendirýdiń tıimdiligine yqpal etetin asa kúrdeli sybaılas jemqorlyqty, qıyn ákimshilendiriletin máseleler aıqyndalǵan. Keden odaǵy Birtutas keden tarıfiniń (BKT) barlyq nomenklatýrasy 11 352 tarıftik jeliden (taýar kodtarynan) turady. 2013 jylǵy 1 qyrkúıekten bastap BKT-da 5 223 SEQ TN taýar kishi sýbpozısııasy (46,3%) boıynsha ózgerister boldy. Qoldanystaǵy taýar nomenklatýrasynda munaı ónimderiniń 91 túri bar, olardyń tek 52 túrine ǵana eksporttyq baj salynady. Qandaı taýarǵa mólsherleme belgilengendigin syrttan aıqyndaý múmkin emes, degen B.Jámishev 2015-2016 jyldarǵa arnalǵan qurylys jumystaryna aıtarlyqtaı kólemde qarjy kózdelgendigin alǵa tartty. 2009-2012 jyldar aralyǵynda esirtkige jáne esirtki bıznesine qarsy kúres sheńberinde 12 810 600,5 myń teńge somasyna kedendik baqylaýdyń tehnıkalyq quraldary satyp alynǵany erekshe atap ótildi.
2013 jyly 9 birlik rentgentelevızııalyq jabdyqty satyp alý josparlanýda, degen mınıstr 2014 jyly kedendik baqylaýdyń tehnıkalyq quraldaryn satyp alýǵa 80 549 myń teńge somasynda, sanıtarlyq-karantındik baqylaý sheńberinde jabdyq satyp alýǵa 121 500 myń teńgelik shyǵystar qarastyrylyp otyrylǵandyǵyn alǵa tartty. Kóliktik logıstıkalyq ortalyq qurylysy boıynsha áleýetti jetkizýshiler «EUROTRANSIT TERMINAL», «EAT» AQ, «GTI» AQ, «KTJ» UK» AQ, «Forpost ınvestısıı ı razvıtııa» JShS sııaqty kompanııalar bolyp tabylady. Qazirgi ýaqytqa KO syrtqy shekarasyndaǵy 17 avtomobıl ótkizý pýnktinde 42 532 tranzıttik deklarasııa resimdelgen. Komıtet bir HJT kitaby boıynsha kepildik somasyn halyqaralyq júk tasymalyn arttyra otyryp, júkterdiń saqtalý kepildiginiń deńgeıin arttyratyn 100 000 eýro mólsherindegi «TIR+» tranzıtiniń qosymsha kepildik vaýcherlerin paıdalaný arqyly 160 000 eýroǵa deıin kóterý máselesin pysyqtady. Táýekelderdi basqarý júıesiniń qoldaný úderisin avtomattandyrý maqsatynda 2011 jyldyń basynda «TBSB» dep atalatyn «Elektrondy keden» avtomattandyrylǵan júıesi komponenti engizildi, dedi B.Jámishev.
Elektrondy deklarasııalaý aqparattyq júıesin qurý boıynsha jumysty qarjylandyrý Halyqaralyq Qaıta qurý jáne damý bankimen birlese Qazaqstan Keden qyzmetin damytý jobasy sheńberinde júzege asyrylady. Qazirgi ýaqytta «Kedendik ákimshilendirý máselesi boıynsha keıbir zańnamalyq aktilerge ózgerister men tolyqtyrýlar engizý týraly» zań jobasynyń tujyrymdamasy ázirlenipti. Elektrondy deklarasııalaýdy engizý bóliginde zań jobasynda elektrondy deklarasııalaý kezinde usynylatyn qujattardyń tizbesin qysqartý, qujattardyń elektrondy nysanyn paıdalaný maqsatynda deklarasııalaý, keden qyzmetiniń aqparattyq júıesinde deklarant jáne laýazymdy tulǵalar júrgizetin áreketter jónindegi uǵymǵa jáne normaǵa túzetý engizý kózdeledi.
Qosymsha baıandama jasaǵan palatanyń Qarjy jáne bıýdjet komıtetiniń tóraıymy Gúljan Qaraqusova keden organdarynda áli de «bir tereze» qaǵıdaty oryndalmaı otyrǵandyǵyna nazar aýdartty. Bıznes qaýymdastyǵy osy rette kedendik resimdeýdiń jedeldetilmeı otyrǵandyǵyna shaǵymdanýyn toqtata qoımaǵan. Depýtat sondyqtan da memlekettik qyzmet kórsetý tizbesin keńeıtý qajettigin qarastyrýdy alǵa tartty. Basqa elderdiń kedendik aqparattyq júıelerimen ıntegrasııa ornatqan durystyǵyn ortaǵa saldy. Dúnıejúzilik banktiń «Doing Business 2013» reıtıngi boıynsha Qazaqstan «Halyqaralyq saýda» komponenti jóninen 185 eldiń ishinde 182-ge turaqtapty. Atalǵan uıym málimetteri kórsetkendeı, Qazaqstan taýarlardy eksporttaý úshin 9 qujat jáne 81 kún qajet eken. Al Grýzııada eksport úshin bar-joǵy 4 qujat jáne 9 kún jetip jatyr. Import úshin elimizde 12 qujat jáne 69 kún qajet bolsa, Grýzııada sol deńgeı saqtalypty. Barlyǵyn qosqanda, ıaǵnı ımport pen eksport úshin 83 ruqsat berý qujaty qajet eken.
Jalpy, otyrys barysynda depýtattar kóptegen suraqtar qoıyp, ózderiniń pikirlerin o
