Kezdesýde Baıqońyr ǵarysh aılaǵyn odan ári damytý, sondaı-aq qorǵanys jáne qarý-jaraq máseleleri jóninde Qazaqstan men Reseı úkimetteri júrgizip jatqan jumystar barysy qarastyryldy.
– Biz qorǵanys ónerkásibi salasynda birlesken kásiporyndar qurý máselesin buǵan deıin de talqyladyq. Osy maqsatpen bizdiń elde jeke mınıstrlik quryldy, – dedi Nursultan Nazarbaev.
Memleket basshysyna Reseı Úkimetiniń vıse-premeri bolashaqta birlese júzege asyrylatyn «Báıterek» jobasynyń tehnıkalyq jaǵy týraly egjeı-tegjeıli baıandap berdi.
– Bul joba múlde jańa zymyran-ǵarysh tehnıkasyn jasaýǵa jáne zymyran jóneltý keshenin jańǵyrtýǵa baǵyttalǵan. Joba jóninde qol jetkizilgen ýaǵdalastyqtar eki el basshylary tarapynan resmı rásimdelgen jaǵdaıda Baıqońyr qalasy men jóneltý keshenin damytýdyń jarqyn perspektıvasyna jol ashylady, – dedi D.Rogozın.
Sondaı-aq, Memleket basshysy Qazaqstan men Reseı qarym-qatynasynda ekonomıkanyń basqa salalary boıynsha da ilgerileýshilikter bar ekenin atap ótti.
