Kún tártibi bekitildi

Keshe Senat Tóraǵasy Qaırat Mámıdiń tóraǵalyǵymen Parlament Senaty bıýrosynyń otyrysy ótti, dep habarlady osy palatanyń baspasóz qyzmeti.

Keshe Senat Tóraǵasy Qaırat Mámıdiń tóraǵalyǵymen Parlament Senaty bıýrosynyń otyrysy ótti, dep habarlady osy palatanyń baspasóz qyzmeti.

Bıýro otyrysynda Ekono­mı­kalyq damý jáne kásipkerlik komıteti «2011 jylǵy 25 ta­myzdaǵy Qazaqstan Respýb­lı­kasynyń Úkimeti men Koreıa Res­pýblıkasynyń Úkimeti arasyndaǵy Bal­qash jylý elektr stansasyn damytý, qarjylandyrý, jobalaý, salý, paıdalaný jáne oǵan teh­nıkalyq qyzmet kórsetý sala­syndaǵy kelisimge ózgerister en­gizý týraly Qazaqstan Res­pýb­lıkasynyń Úkimeti men Koreıa Res­pýblıkasynyń Úkimeti ara­syndaǵy hattamany ratıfı­kasııalaý týraly» Qazaqstan Res­pýblıkasy za­ńynyń jobasy boıynsha bas komıtet bolyp belgilendi.

«TMD-ǵa qatysýshy mem­leket­terdiń adamdardy memleketaralyq izdestirý týraly shartyn ratıfı­kasııalaý týraly» zań jobasyna Konstıtýsııalyq zańnama, sot júıe­si jáne quqyq qorǵaý organdary komıteti bas komıtet bolyp bekidi.

Sondaı-aq, otyrysta Senat de­pýtattaryn halyqaralyq parla­menttik uıymdarǵa jáne Parlament Senatynyń shet memleketter par­la­mentterimen yntymaqtastyq jónin­degi óńirlik toptarǵa jiberý jónindegi usynystar da qaraldy.

Depýtattar, sonymen birge, palatanyń bıylǵy jyldyń 26 qyrkúıeginde ótetin kelesi oty­ry­synyń kún tártibin de qarap, be­kitti. Buǵan qosa, kelesi otyrysta Se­nat depýtattaryn halyqaralyq par­lamenttik uıymdarǵa jáne Par­lament Senatynyń shet mem­le­ket­ter parlamentterimen yntymaq­tastyq jónindegi óńirlik toptarǵa jiberý jónindegi usynystar da qaralady.