Qyrkúıektiń 21-i kúni Beıbitshilik jáne kelisim saraıynda Qyrǵyzstannyń Qazaqstandaǵy mádenıet kúnderi saltanatty jaǵdaıda ashyldy. Bir aıǵa jalǵasatyn mádenı shara Qyrǵyzstan men Qazaqstannyń halyq jazýshysy Shyńǵys Aıtmatovtyń 85 jyldyq mereıtoıyna baǵyshtalýymen erekshelendi.
Qyrkúıektiń 21-i kúni Beıbitshilik jáne kelisim saraıynda Qyrǵyzstannyń Qazaqstandaǵy mádenıet kúnderi saltanatty jaǵdaıda ashyldy. Bir aıǵa jalǵasatyn mádenı shara Qyrǵyzstan men Qazaqstannyń halyq jazýshysy Shyńǵys Aıtmatovtyń 85 jyldyq mereıtoıyna baǵyshtalýymen erekshelendi.
«Basyma kıdim aq qalpaq,
Oıýlap shetin syrǵyzǵan.
Meniń de betim jap-jalpaq,
Aıyrmam qaısy qyrǵyzdan?».
Mysal úshin biz qyrǵyz Alataýynyń ústinen kóterilgen kún sáýlesindeı qazaq-qyrǵyz dalasyna shuǵylasy teń taraǵan Shyńǵys Aıtmatovty ózimizge jaqyn tutyp, jazýshynyń «Jámıla», «Qus joly», «Qosh bol, Gúlsary» , «Aq keme», «Teńiz jaǵalaı júgirgen tarǵyl tóbet», «Janpıda» , «Shyńǵyshannyń aq bulty», «Ǵasyrdan da uzaq kún», «Borandy beket», «Kóktóbedegi kezdesý» syndy shyǵarmalaryn qalaı súıip oqysaq, tamashalasaq, aqyn Ábdilda Tájibaevtyń qyrǵyz halqyna arnaǵan osy bir jyr shýmaǵyn olardyń da dál solaı qurmettep, jattap, jarııalap jatýy beker bolmasa kerek. Muhtar Áýezovti Shyńǵystyń ustazy dep aıryqsha áspettep, HH ǵasyrdyń álemdik ádebıetindegi túrkilik ádebı renessansty tanytqan tutas bir dáýirdi jasaýshy qos tulǵa retinde asqaqtatýy óz aldyna bir mereı. Shyńǵys shyǵarmalarynyń qazaqpen etene týys bolýymen qatar, álemniń júzden astam tilderine – aǵylshyn, fransýz, nemis, arab, parsy, túrik, japon tilderine tárjimalanýy qyrǵyz mádenıeti men dúnıetanymynyń álemdik kókjıekke ushtasqan sátin aıshyqtaıtyn aqıqattyń biri dep taný taǵy paryz.
Al endi myna «Taýlar qulaǵanda» atty kórmedegi qazirgi zamanǵy qyrǵyz sýretshileriniń eńbekterinen Shyńǵys tylsymy men tynysynyń jańǵyryp, qaıta samǵaý sátine kýá bolǵandaı áser túıesiz. Kelýshiler nazaryna ilikken keskindeme, grafıka, shaǵyn plastıka jáne dekoratıvti-qoldanbaly óner týyndylarynyń ulttyq aıshyǵy men ajary aıryqsha kóz tartady. Mundaǵy jalpy qylqalam týyndylary men basqa da halyqtyq óner qazynasynyń jalpy sany 100-den asyp jyǵylady. Bir aıta ketetin nárse, Qyrǵyzstannyń Qazaqstandaǵy mádenıet kúnderiniń baǵdarlamasy san salaly, alýan arnaly. Mysaly, Astanada Qyrǵyzstan men Qazaqstannyń zııaly qaýym ókilderi bas qossa, Almaty, Taraz jáne Shymkent qalalarynda bir aı boıyna Qyrǵyzstan teatrlary men memlekettik fılarmonııanyń ártisteri óner kórsetedi.
Qyrǵyzstannyń Qazaqstandaǵy mádenıet kúnderiniń saltanatty ashylý rásiminde jurt memlekettik bı ansambliniń, memlekettik fılarmonııanyń halyq aspaptar orkestri men halyq ártisteriniń ónerlerin tapjylmaı tamashalady. Mádenı sharany eki eldiń Mádenıet mınıstrleri sóz sóılep ashty. Qyrǵyzstannyń Mádenıet mınıstri Sultan Raev: «Qazaq pen qyrǵyz ejelden eki taýdyń shoqysyndaı, bir qustyń qanatyndaı, bir ata men bir ananyń uldaryndaı, qıyn kezde bir-birine tirek bolyp, kerek kezde júrek bolyp ómir súrip kele jatqan halyqtar. Myńdaǵan shaqyrymdy artqa tastap týǵandarymyzben tabysýǵa asyǵyp, saǵynyp jettik sizderge... Kókirek toly sezimmen, júrek toly qýanyshpen keldik. Qyrǵyz-qazaq – egiz el, bir-birimen tyǵyz el. Al dúnıede qazaqqa qyrǵyzdan ótken, al qyrǵyzǵa qazaqtan ótken jaqyn ult ta, el de joq dep esepteımin», dep Alataýdyń arǵy betin jaılaǵan qalyń qyrǵyzdyń ystyq sálemin jetkizdi. О́z kezeginde Qazaqstannyń Mádenıet jáne aqparat mınıstri Muhtar Qul-Muhammed: «Bizdiń baýyrlas, týysqan el – Qyrǵyzstan Respýblıkasynyń Qazaqstandaǵy, onyń astanasy – Astana qalasyndaǵy mádenıet kúnderiniń ashylýymen barshańyzdy shyn júrekten quttyqtaımyn, – deı kelip, – qyrǵyz halqynyń arǵy-bergi tarıhynda ol elge qazaqtaı tatý, qazaqtaı jaqyn el bolmaǵan shyǵar. Sondyqtan bizdiń eki halyqtyń ejelden tarıhy men tamyry bir, dini ortaq, tili de uqsas, mádenıeti de egiz dep aıtýymyzǵa bolady. Mine, osy qyrǵyz halqynyń, Qyrǵyz Respýblıkasynyń bas
