«Memsaraptama» mánin arttyrǵan shara

Túrlengen Taldyqorǵan bú­gin­­de respýblıkalyq deńgeıdegi ıgi sharalar ótkizýde de ózindik or­nyn aıshyqtaǵan qala. Sonyń naq­ty dáleli retinde ótken aptada «Mem­saraptama» respýblıkalyq mem­lekettik kásiporny ótkizgen «Til­ge qurmet – elge qurmet» at­ty res­pýb­lıkalyq festıvaldi aıtýǵa bolady. Qazaqstan halqy tilderiniń kú­ni dástúrli sha­rasy aıasynda Memsaraptama ujy­my bıyl úshinshi ret uıym­dastyrǵan dodaǵa 17 oblystan kelgen komandalar qatysty. Bul festıvaldiń ereksheligi sol – ıgi sharany ótkizetin óńirlik komandalar bir jyl buryn jerebe arqyly anyqtalady. Sosyn, jyl boıy komandalar jeńimpaz bolýǵa zor yntamen daıyndalady. Qazaqstanda turatyn ózge ulttardyń tilderin, bılerin jáne ánderdi úırenedi, ulttyq kos­tıýmder tigedi. Sóı­tip jumysta uqyptylyqqa daǵdylanǵan mem­le­kettik sarapshylar mádenı is-sha­ralarǵa daıyndalýda da tııanaq­tylyqtaryn tanytady.

Túrlengen Taldyqorǵan bú­gin­­de respýblıkalyq deńgeıdegi ıgi sharalar ótkizýde de ózindik or­nyn aıshyqtaǵan qala. Sonyń naq­ty dáleli retinde ótken aptada «Mem­saraptama» respýblıkalyq mem­lekettik kásiporny ótkizgen «Til­ge qurmet – elge qurmet» at­ty res­pýb­lıkalyq festıvaldi aıtýǵa bolady. Qazaqstan halqy tilderiniń kú­ni dástúrli sha­rasy aıasynda Memsaraptama ujy­my bıyl úshinshi ret uıym­dastyrǵan dodaǵa 17 oblystan kelgen komandalar qatysty. Bul festıvaldiń ereksheligi sol – ıgi sharany ótkizetin óńirlik komandalar bir jyl buryn jerebe arqyly anyqtalady. Sosyn, jyl boıy komandalar jeńimpaz bolýǵa zor yntamen daıyndalady. Qazaqstanda turatyn ózge ulttardyń tilderin, bılerin jáne ánderdi úırenedi, ulttyq kos­tıýmder tigedi. Sóı­tip jumysta uqyptylyqqa daǵdylanǵan mem­le­kettik sarapshylar mádenı is-sha­ralarǵa daıyndalýda da tııanaq­tylyqtaryn tanytady.

Festıval baǵdarlamasy – kon­kýrstyq «Meniń Otanym – Qa­zaq­stan» atty óleńdi kórkem tilde oqý, Qazaqstan halyqtarynyń óleńderi men bılerin oryndaý, halyqtar dostyǵy valsin bıleý boıynsha úsh týrdan turdy. Memlekettik saıa­satqa saı uıym­das­tyrylǵan festıvaldi Al­maty oblysy ákiminiń min­detin atqa­rýshy Amandyq Bata­lov ashyp: «Jetisý ólkesi sóz óneriniń sú­leı­leri Súıinbaı men Jambyldyń, Eskeldi men Qabylısanyń, Ilııas pen Muqaǵalıdyń týǵan mekeni. Sondyqtan tildiń qadir-qasıetin aıqyn uǵynatyn bizdiń ólkemizde mundaı mańyzdy sharanyń ótýi asa quptarlyq jaıt. Búgingi kúni elimizde úsh tuǵyrly til saıasaty júzege asyrylyp keledi. Iаǵnı kez kelgen saýatty azamattyń qazaq, orys, aǵylshyn tilderin bilýi – ýaqyt talaby. Degenmen, Elbasymyzdyń «Qazaq tili úsh tildiń bireýi bolyp qalmaıdy. Úsh tildiń birinshisi, negizgisi, bastysy, mańyzdysy bola beredi», dep atap kórsetýi memlekettik tildiń qoǵamdaǵy ornyn aıqyndap berdi. Til – halyqtyń jany, ana tiline qamqorlyq jasalsa halqymyzdyń salt-dástúri jańǵyryp, tarıhymyz da túgeldenip, mádenıet pen ónerimiz de óristeıdi. Sondyqtan da bizdiń oblysta memlekettik til máselesine erekshe mán beriledi. Respýblıkada tuńǵysh ret Til saraıy oblys ortalyǵy Taldyqorǵan qalasynda boı kóterdi. О́ńirdegi aýdan, qalalardyń bárinde til oqytý ortalyqtary jumys istep tur. Barlyǵy da sońǵy úlgidegi quraldarmen jabdyqtalyp, onda qazir memlekettik qyzmetshiler, bıýdjet salasynyń qyzmetkerleri qazaq, orys, aǵylshyn tilderin meńgerýde. Memlekettik tildiń qoldanys aıasyn keńeıtý – barsha qazaqstandyqtyń, onyń ishinde árbir memlekettik qyzmetshiniń basty paryzy. Elimizde turatyn etnostardyń tilin saqtaı otyryp, memlekettik tildi qoǵamnyń barlyq salasynda damytýǵa bári­miz de atsalysýymyz kerek. Bul rette «Memsaraptama» RMK uıym­dastyryp otyrǵan «Tilge qurmet – elge qurmet» atty respýblıkalyq til festıvaliniń jumysyn atap ótken jón», dedi Amandyq Batalov.

Festıvalǵa qatysýshylar mátindi úzdik mánerlep oqýshy; halyq ánin úzdik oryndaýshy; úzdik konserttik kostıým; bıdi úzdik oryndaý nomınasııalary boıynsha synǵa túsip, jeńimpazdar «Memsaraptama» kásiporny basshylyǵynan syılyqtar alyp, Taldyqorǵan qalalyq ákimdiginiń gramotalarymen, Qazaqstan halqy Assambleıasynyń jáne Tilder ko­mıtetiniń maqtaý qaǵazdarymen ma­rapattaldy. Bıylǵy jyly jeńim­paz bolǵan Atyraý oblystyq koman­dasy kelesi jyly «Tilge qur­met – elge qurmet» atty festıval ótkizý estafetasyn q