Kenııa qaýipsizdik kúshteri keshe tańerteńgilik Naırobı qalasyndaǵy saýda ortalyǵyn kúshpen ustap turǵan sodyrlar pozısııalaryn shabýyldaýdy bastady. Ázirge bılik tarapynan resmı túsinikteme berilmegen kórinedi.
NAIROBIDE QURBANDAR SANY ARTA TÚSÝDE
Kenııa qaýipsizdik kúshteri keshe tańerteńgilik Naırobı qalasyndaǵy saýda ortalyǵyn kúshpen ustap turǵan sodyrlar pozısııalaryn shabýyldaýdy bastady. Ázirge bılik tarapynan resmı túsinikteme berilmegen kórinedi.
Sodyrlar shabýylynan kem degende 68 adamnyń qurbandyqqa ushyraǵany belgili bolyp otyr. Buǵan deıin 59 adamnyń qaza taýyp, 200-deı adamnyń zardap shekkeni týraly habarlanǵan bolatyn. Polısııa kepildegi adamdardy bosatý jónindegi operasııany odan ári jalǵastyrýda. Soǵan baılanysty qurbandar sanynyń kóbeıe túsýi de múmkin. Eske sala keteıik, sodyrlar saýda ortalyǵyn 21 qyrkúıek kúni basyp alǵan bolatyn. Qaza tapqandardyń arasynda el prezıdentiniń nemeresi men kelini, sol sııaqty, Fransııa, Kanada, Ulybrıtanııa, Ońtústik Koreıa azamattary bar.
PÁKSTANDAǴY TERRORLYQ AKT
Tálipter Pákstandaǵy dinı jáne etnostyq azshylyqtarǵa qarsy kezekti kúsh kórsetý aksııasyn uıymdastyrdy. Osylaısha, eldegi hrıstıandyq hramǵa jasalǵan eki birdeı terrorlyq akt saldarynan qaza tapqandar sany 81 adamǵa jetken.
Qurban bolǵandardyń arasynda 37 áıel jáne 7 bala bar kórinedi. 145-ten astam adam dene jaraqattaryn alyp, óte aýyr jaǵdaıda aýrýhanalarǵa jetkizilgen. Jarylǵysh qurylǵyny eki jankeshti terrorshynyń iske qosqany belgili boldy. Terrorlyq akt úshin jaýapkershilikti «Talıban» qozǵalysynan bólinip shyqqan «Tehrık-ı-Talıban Pákstan» toby óz moınyna alyp otyr. Elde úsh kúndik qaraly kún jarııalandy.
«ÝSAGI» TAIFÝNY ÁKELGEN APAT
Qytaıdyń ońtústik-shyǵysyna soqqy bolyp tıgen «Ýsagı» taıfýny kólik kollapsyna soqtyrǵan. Sonyń saldarynan Ońtústik Qytaıdy el astanasymen baılanystyratyn «Gýanchjoý-Pekın» temir joly boıyndaǵy poıyzdar qozǵalysy toqtap qalǵan.
Onyń syrtynda kúshti jeldiń kólikterdi jol ústinen ıterip tastaýy saldarynan kóptegen joldarda avtomobıl qatynasy da múmkin bolmaı otyr. О́ńirdegi eń iri Gonkong áýejaıynda 370-ten astam reısti keıinge qaldyrýǵa týra kelgen. Jergilikti bılik mektepterdi jaýyp, memlekettik kásiporyndar jumysyn toqtatýǵa májbúr bolýda. Apat saldarynan jaǵalaýdaǵy aýdandarda elektr qýatymen jáne sýmen jabdyqtaý úzilip qalǵan. Qazirdiń ózinde 21 adamnyń apat qurbanyna aınalǵany belgili bolyp otyr.
TALAP TAP-TUINAQTAI ORYNDALÝY TIIS
Hımııalyq qarýǵa tyıym salý jónindegi uıym (HQTSU) Sırııanyń hımııalyq arsenalyn tekserýge daıyndalýda. Al BUU Qaýipsizdik Keńesi qarýsyzdaný josparyn qoldaıtyn qarar ázirleýde.
Damask arsenaldar týraly aqparatty tez jáne tolyq kólemde usynyp úlgergen. Alǵashqy málimetter Lavrov pen Kerrı kelisiminde kórsetilgen kúnnen bir kún buryn-aq túse bastaǵan. Usynylǵan qarardyń tolyqqandylyǵy Vashıngtonnyń ózin tańǵaldyrǵan kórinedi. Sonymen birge, AQSh prezıdenti Barak Obama eger Lavrov-Kerrı ýaǵdalastyǵy saqtalmaıtyn bolsa, Sırııaǵa áskerı soqqy jasalatyny jaıynda da eskertip otyr.
OLIGARH ShYNYMEN BANKROT BOLǴAN BA?
Borıs Berezovskııdiń kenetten kelgen qazasy týraly jumbaqty iste taǵy bir tyń jaıt paıda bolyp otyr. Brıtan polısııasynyń reseılik olıgarh óz-ózine qol jumsady degen nusqadan aınymaýyna qaramastan, jýrnalıster ol sózge kúmán keltiretin aqparattar tapqan.
Buryn aıtylǵandaı, Berezovskıı bankrotqa ushyraýyna baılanysty ómirmen qoshtasqan bolatyn. Sarapshylar tipti, ol qaıtys bolǵan kezde boryshtarynyń 309 mln. fýntty quraǵanyn da belgilegen. Biraq, jýrnalısterdiń málimetteri boıynsha, olıgarhtyń qarjysy az bolmapty, ol – 500 mln. fýnt sterlıngti quraıtyn kórinedi. Al ol búkil esep-shottardy jabýǵa tolyq jetedi eken. Sonymen birge, Berezovskııdiń qaıtarynan bir apta buryn ósıetin qaıta jańartqany da belgili bolyp otyr.
JETPIS JYLDAN SOŃ JETKEN HAT
AQSh-ta Nevada shtatynyń 69 jastaǵy turǵyny ekinshi dúnıejúzilik soǵysta qa
