«Qazaqstan janarmaı qaýymdastyǵynyń» ókilderi qazir tap osyndaı dabyl qaǵyp otyr. Olardyń aıtýlarynsha, taıaý kúnderde osyǵan baılanysty elimizde AI-92 markaly benzın men dızel otynynyń baǵasy kúrt sharyqtap ketýi ábden múmkin. Munyń sońynda janarmaıdyń múldem bolmaı qalýy da ǵajap emes.
«Qazaqstan janarmaı qaýymdastyǵynyń» ókilderi qazir tap osyndaı dabyl qaǵyp otyr. Olardyń aıtýlarynsha, taıaý kúnderde osyǵan baılanysty elimizde AI-92 markaly benzın men dızel otynynyń baǵasy kúrt sharyqtap ketýi ábden múmkin. Munyń sońynda janarmaıdyń múldem bolmaı qalýy da ǵajap emes.
Rasynda da kórshiles elden jetkizilýi tıis 234 myń tonna suıyq otyn janarmaı tapshylyǵyn sheship bere almasa kerek. Aıta keteıik, buǵan deıin Munaı jáne gaz mınıstrliginiń buıryǵymen otandyq úsh kompanııa ǵana Reseıden munaı ónimderin jetkizýshi operator bolyp belgilengen edi.
«Eger suıyq otyn bolmasa, janarmaı beketteri ony talon nemese kartochkamen saýdalaıdy. «Qazmunaıgazdyń» janarmaı beketinde keptelis týyndaıdy. Az ýaqytta olardaǵy janarmaı da taýsylady. Biz munyń aldyn alǵymyz keledi», – deıdi «Qazaqstannyń janarmaı qaýymdastyǵy» basqarma tóraǵasy Bolat Áýetaev.
Tasymaldaýshy operatorlar Pavlodar munaı óńdeý zaýytynyń jetkilikti deńgeıde suıyq otynmen qamtamasyz etilmeı otyrǵanyn da tilge tıek etedi. Olar janar-jaǵarmaıdy Reseıge qarasty stansadan avtokólikpen jetkizip otyrǵan kórinedi. Bul óz kezeginde onsyz da qymbat bolyp tabylatyn janar-jaǵarmaı baǵasynyń sharyqtaýyna aparyp soqtyryp jatyr.
«Biraz kúnde qazirgi az qordyń ózi taýsylady», – deıdi mamandar. Bul kezeńde Shymkenttegi munaı óńdeý zaýytynyń qaıta jóndeýge turatynyn eskersek, jaǵdaıdyń múshkil bola túsetini aıqyn ańǵarylady.
Qurysh NURYMBET.
