О́tken senbi kúni Astanada «Biz taza qala úshin» sanıtarlyq tazartý, kógaldandyrý jáne abattandyrý boıynsha dástúrli jalpy qalalyq senbilik ótti. Bul shara elordada 10 qyrkúıek-10 qazan aralyǵynda ótip jatqan ekologııalyq aılyq aıasynda uıymdastyryldy.
О́tken senbi kúni Astanada «Biz taza qala úshin» sanıtarlyq tazartý, kógaldandyrý jáne abattandyrý boıynsha dástúrli jalpy qalalyq senbilik ótti. Bul shara elordada 10 qyrkúıek-10 qazan aralyǵynda ótip jatqan ekologııalyq aılyq aıasynda uıymdastyryldy.
Jalpy qalalyq ekologııalyq senbilik aıasynda bas qalamyzda qonys tepken qalalyq jáne respýblıkalyq uıymdar «Astana-Zelenstroı» AQ-pen birlesip aǵash kóshetterin otyrǵyzdy. Almaty aýdanynda Aqjol jáne №14 kóshelerdiń qıylysynda qaý japyraqty shegirshin, súmbil terek, qyzyl tal, úıeńki men jıde aǵashynyń 1848 kósheti otyrǵyzyldy. Saryarqa aýdanynda Tilendıev dańǵyly boıynsha Prıdorojnyı kóshesinen bastap soltústik-batys aınalma jolyna deıin jáne Saryarqa-Abaı kósheleriniń qıylysyndaǵy saıabaqta 646 túp aǵash boı kóterdi. Munda terek, úıeńki, qaraǵaı, balqaraǵaı aǵashtary gúl jaratyn bolady. Esil aýdanynda 1545 túp aǵash, ıaǵnı Turan dańǵyly №31 kósheden «Astana juldyzy» monýmentine deıin usaq japyraqty shegirshin, al Botanıkalyq baq aýdanyna qaraǵaı, arsha, qaıyń, sheten jáne zerek aǵashtary otyrǵyzyldy. Jalpy qalalyq senbilik aıasynda 4039 alýan túrli aǵash egildi.
Sonymen qatar, jınalǵan qoqys tasý boıynsha ondaǵan júk tıegish tehnıka men brıgada jumys istedi. Qala basshysynyń tapsyrmasyna sáıkes, energetıka, kólik jáne qurylys basqarmalarynan lastanǵan jerlerdi tazalaý jáne ony polıgonǵa ýaqtyly kómý úshin 30 júk tıegish jáne 90 úlken júk tasymaldaıtyn mashına bólindi. Budan basqa, kommýnaldyq, qurylys jáne qaladaǵy basqa da kásiporyndardyń mehanızasııalanǵan tehnıkasy tolyq tartyldy.
Astanada ótken jalpy qalalyq senbilikte tek Saryarqa aýdany boıynsha polıgonǵa 13,58 tonna kúl-qoqys shyǵaryldy. Senbilikke 49 tehnıka tartyldy. Onda mehanızasııalanǵan jáne qolmen jınaý sharalary eki aýysymmen júrgizildi. Sonymen qatar, Saryarqa aýdany boıynsha sýdy tartyp alý, jańbyr sýlaryn jınaıtyn qudyqtar men naýalardy batpaq pen qoqystan tazalaý jumystary júrgizildi. Budan basqa, jalpy qalalyq senbilik aıaqtalǵan soń «Astana Tazalyq» JShS kúshimen qoqys shyǵarý jáne qalany sanıtarlyq tazalaý sharalary odan ári jalǵasty.
Nııaz JYLQYBAEV.
