Elbasynyń tapsyrmasyna sáıkes 2030 jylǵa deıin el ekonomıkasyndaǵy shaǵyn jáne orta bıznes kórsetkishteri eki ese ulǵaıtylýǵa tıis. Osy oraıda iri ındýstrııa oshaǵy bolýmen qatar kásipkerlik qozǵalystyń da keń damýyna qolaıly orta sanalatyn óndiristi óńirdegi eleýli qubylystar kózge túserlikteı. Qazaqstan Respýblıkasy Parlamenti Senaty Ekonomıkalyq damý jáne kásipkerlik komıtetiniń kóshpeli otyrysynyń Qaraǵandyda ótýi osyǵan baılanysty boldy.
Elbasynyń tapsyrmasyna sáıkes 2030 jylǵa deıin el ekonomıkasyndaǵy shaǵyn jáne orta bıznes kórsetkishteri eki ese ulǵaıtylýǵa tıis. Osy oraıda iri ındýstrııa oshaǵy bolýmen qatar kásipkerlik qozǵalystyń da keń damýyna qolaıly orta sanalatyn óndiristi óńirdegi eleýli qubylystar kózge túserlikteı. Qazaqstan Respýblıkasy Parlamenti Senaty Ekonomıkalyq damý jáne kásipkerlik komıtetiniń kóshpeli otyrysynyń Qaraǵandyda ótýi osyǵan baılanysty boldy.
Atalǵan komıtettiń tóraǵasy Talǵatbek Abaıdildın qatysýshylar aldynda ortaǵa salǵandaı, aımaqta «Bıznestiń jol kartasy-2020» baǵdarlamasy aıasynda shaǵyn jáne orta bıznes belsendi damyp keledi. Irgeli kásiporyndardyń tóńireginde shaǵyn óndirister jelisi qurylýda. Olar qarjylandyrý men ozyq tehnologııany engizýge kómektesip otyr. Kásipkerlerdiń ekonomıkalyq paıdalary men memlekettiń mańyzdy áleýmettik máseleleri, azamattardy jańa jumys oryndarymen qamtamasyz etý arasynda ońtaıly tepe-teńdik qalyptasty.
Oblys ákimi Baýyrjan Ábdishev senatorlarǵa óńirdiń áleýmettik-ekonomıkalyq jaǵdaıy, memlekettik baǵdarlamalardy iske asyrý týraly áńgimeledi. Qazaqstandaǵy kásipkerliktiń damýynyń satylaryn zańnamalyq turǵyda qamtamasyz etý jóninde Ekonomıkalyq damý jáne kásipkerlik komıtetiniń hatshysy Sársenbaı Eńsegenov baıandama jasady.Bıznes ókilderi óz taraptarynan kásipkerlik qyzmette quqyqtyq qatynastardy retteıtin normatıvtik-quqyqtyq aktilerdegi olqylyqtardy aıta kelip, ony sheshýdiń tóte nusqalaryn usyndy.
Oblysqa sapar barysynda senatorlar, sondaı-aq, Temirtaý qalasyndaǵy áleýmettik nysandardy aralap kórip, Osakarov aýdanyndaǵy egin oraǵymen tanysty.
PARTIIаNYŃ SAIаSI DOKTRINASY TALQYLANDY
«Nur Otan» HDP Balqash qalalyq fılıalynyń kezekten tys HII konferensııasynda Elbasynyń «Qazaqstan-2050» Strategııasy talaptarynan týyndaıtyn jańa mindetter» jáne «Nur Otan» «Nurly bolashaq jolynda» atty partııanyń Saıası doktrınasynyń jobasy talqylandy. Sóz alýshylar atalǵan máseleler boıynsha atqarylýdaǵy is-sharalardy saralap, bastaýysh uıymdar belsendiligin arttyrý men olardyń jumysyn barynsha tıimdi júrgizýdi, qalanyń áleýmettik-ekonomıkalyq damýyn qamtamasyz etýdi taldady.
Konferensııada «Nur Otan» HDP Saıası keńesiniń múshesi, QR Parlamenti Senatynyń depýtaty Erlan Nyǵmatýlın baıandama jasap, partııanyń usynyp otyrǵan Saıası doktrınasynyń mańyzy, onda kórsetilgen jalpy qoǵamdyq órkendeýdiń 7 baǵytynyń tujyrymdasy týraly túsinik berdi.
Jetimderge qamqorlyq
Qyrkúıektiń ekinshi onkúndigi aımaqtaǵy balalar úıleri tárbıelenýshileri úshin este qalarlyqtaı boldy. Oblys basshylyǵy olar turyp jatqan «Qulynshaq», Ásem», «Tańsholpan», «Úmit» ortalyqtaryna baryp, turmys jaǵdaılarymen tikeleı tanysty. Kezdesýlerde ata-ana shýaǵynsyz qalǵan jalǵyzilikti jasóspirimder memlekettik qamqorlyqqa rızalyqtaryn bildirdi. Sonyń arqasynda arnaýly jataqhanaǵa ornalasyp, bilimderin tereńdetýge, mamandyq meńgerýge múmkindik alǵan akademık E.Bóketov atyndaǵy Qaraǵandy memlekettik ýnıversıtetiniń, «Bolashaq» ýnıversıtetiniń, polıtehnıkalyq kolledjiniń stýdentteri Irına Borısova, Zeken Qojamerdıeva, Evgenıı Mıhaılov sııaqty talaptary taýdaı jastar az emes. «Tańsholpannyń» 14 túlegi agrotehnıkalyq kolledjge oqýǵa qabyldanyp, kókónis kútip-baptaýdyń qyr-syrlaryn ıgerýde.
О́zderindeı kómek-qoldaýǵa tileýshilerge jasóspirimder jáne otbasyn qurýshylarǵa turǵyn úıler salý jalǵasatyndyǵy týraly habar qýanyshpen qabyldandy.
JAŃADAN SAILANǴAN ÁKIMDER BAS QOSTY
Balamaly negizdegi saılaý arqyly jergilikti máslıhattar depýtattary senim kórsetip, qyzmetterine kirisken oblystyń aýyldary men kentteriniń 202 ákimi tórt kózi túgel úlken jıynǵa qatysty. Munyń aldynda bári úsh kúndik semınarda basqarýdyń jańa júıelerimen, ózgertilip, tolyqtyrylǵan zańnamalarmen tanysty. Halyqpen tikeleı jumys isteýdegi kásibı deńgeıdi kóterý talaby taldandy. Oqýdan soń testik emtıhan tapsyryldy.
Jıynda sóz alýshylar jumystaǵy izdenister men ózgerister týraly aıtyp, ony jetildirý jolynda óz oılaryn ortaǵa saldy. Oblys prokýrory Asqar Sekishev pen ishki ister departamentiniń bastyǵy Mergenbaı Japparov óz kezeginde jergilikti ózin ózi basqarý tujyrymdamasyna sáıkes normatıvtik quqyqtyq erejelerin keńinen áńgimelep berdi. Aýyl ákimderi ókilettikteriniń keńeıýine baılanysty ony iske asyrýdyń naqty is-sharalar jospary pysyqtaldy.
Aıqyn NESIPBAI,
«Egemen Qazaqstan».
QARAǴANDY.
