О́tken beısenbi kúni Almaty oblysynyń óner maıtalmandary men jurtshylyq ókilderi Almaty qalasyna keldi. Meımandardy almatylyqtar ystyq yqylaspen, qarsy aldy. Ile-shala Jambyl atyndaǵy memlekettik fılarmonııada oblystyń Almaty qalasyndaǵy mádenı kúnderine baılanysty baspasóz máslıhaty ótkizildi. Almaty oblysy ákiminiń orynbasary Serik Muqanov pen Almaty qalasy ákiminiń orynbasary Záýresh Amanjolova mádenı kúnderdiń maqsaty týraly aıtyp berdi.
О́tken beısenbi kúni Almaty oblysynyń óner maıtalmandary men jurtshylyq ókilderi Almaty qalasyna keldi. Meımandardy almatylyqtar ystyq yqylaspen, qarsy aldy. Ile-shala Jambyl atyndaǵy memlekettik fılarmonııada oblystyń Almaty qalasyndaǵy mádenı kúnderine baılanysty baspasóz máslıhaty ótkizildi. Almaty oblysy ákiminiń orynbasary Serik Muqanov pen Almaty qalasy ákiminiń orynbasary Záýresh Amanjolova mádenı kúnderdiń maqsaty týraly aıtyp berdi.
«О́nerim saǵan – Jetisý» atty halyqtyq dástúrli óner jáne óńirdiń ekonomıkalyq-áleýmettik jetistigin dáripteıtin kórmeler de kópshiliktiń kóńilinen shyqty. Halyq ismerleriniń sheber qolymen jasalǵan kúndelikti tutyný buıymdary, zergerlik sándik zattar kelýshilerdiń qyzyǵýshylyǵyn týǵyzdy. Memlekettik fılarmonııada mádenı kúnderdiń ashylýyna arnalǵan merekelik konsert Muqan Tólebaev atyndaǵy halyq aspaptar orkestriniń dańqty kompozıtordyń «Tamasha» tolǵaýymen bastaldy.
– Almaty qalasy jurtshylyǵynyń jetisýlyq ónerpazdardy ystyq yqylaspen qarsy alýy bizdi shabyttandyryp, qoltyǵymyzdan demep jibergendeı boldy. О́ner daryǵan Almatynyń qonaqtarǵa degen nıetiniń erekshe ekenin burynnan jaqsy biletinmin. Bir ózenniń qos qaptalynda bir-birimizge demeý bolyp, jaqyn aralasyp jatqan jaǵdaıymyz bar. Elbasymyz álemdegi órkenıetti elý eldiń qataryna qosylýymyz úshin árbir qazaqstandyqtyń úles qosýy qajettigin bostan-bosqa aıtyp júrgen joq. Almaty oblysynyń burynnan elimizdiń kóshbasynda kele jatqanyn eshkim joqqa shyǵarmasa kerek. Bizdiń árqaısymyz eńbekte, qyzmette, ónerde bolsyn, táýelsiz elimizdiń mereıin kóterý úshin qajyr-qaıratymyzdy, bilim-qabiletimizdi, shalqar shabytymyzdy jumsaýymyz kerek, – dedi Almaty oblysy ákiminiń orynbasary Serik Muqanov.
Almaty oblysynyń ónerpazdary Almatyǵa Jetisý jeriniń jomarttyǵy men baı óner murasynyń injý-marjandaryn tartý etkeli keldi. «Qulansaz» folklorlyq-etnografııalyq ansambli men oblystyq fılarmonııanyń «Bıgbend» orkestri, odan bólek Qarasaı, Jambyl, Ile, Talǵar jáne Eńbekshiqazaq aýdandarynyń qyz-jigitteri de úlken óner baǵdarlamasyn kórsetti. Almaty qalasyndaǵy mádenı kúnderi sheńberinde Jambyl atyndaǵy memlekettik jasóspirimder kitaphanasynda bir top jetisýlyq aqyn-jazýshylar oqyrmandarmen júzdesip, ózderiniń shyǵarmashylyq josparlary týraly áńgimelep, oı-pikirlerimen bólisti.
Osy sharaǵa baılanysty jetisýlyq óner ıeleri men jurtshylyq ókilderin Almaty qalasynyń ákimi Ahmetjan Esimov qabyldap, alǵys aıtty.
Almatyǵa kelgen jetisýlyq meımandar qalanyń kórikti jerleri men ásem tabıǵatyn tamashalady. Jalpy alǵanda, oblys pen Almaty qalasy turǵyndarynyń barys-kelis, ózara qarym-qatynasy osy mádenı kúndermen shektelip qalmaıdy. Aldaǵy kezde de ózara baılanys odan ári jalǵasa bermek.
Qanat ESKENDIR,
«Egemen Qazaqstan».
ALMATY.
