Qyrǵyzstannan elimizge zańsyz ákelingen kólikter barlyǵy qaıtadan shyǵarylady. Bul týraly Gazeta.kz habarlady.
Almaty oblystyq kólik prokýratýrasy, kedendik baqylaý departamenti men oblystyq jol polısııasy ınspektorlary reıd kezinde memlekettik nómirmen júrgen Qyrǵyz elinen ákelingen avtokólikterdi teksergen. Osy kólikterdi azamattardyń kórshi elden ýaqytsha senimhatpen ákelgeni málim boldy. Ári olar kedendik salyqty tólemegen jáne keıbir kólikterge jasandy qujat toltyrylǵan. Jalpy, oblystyq jol polısııasy taratqan aqparatta jol erejesin buzǵandardyń 700-den astamy Qyrǵyz elinen ákelingen avtokólikter ekeni jazylǵan. Quqyq qorǵaý qyzmetkerleri osy keleńsizdikti aldaǵy ýaqytta boldyrmaý úshin kórshi elden zańsyz ákelingen kólikterdi elden shyǵarýǵa bekinip otyr.
Danııar Túımebaı.
