Amerıkanyń Výster qalalyq soty asyrap alǵan balalaryn zorlaǵandary úshin erli-zaıypty Djozef pen Lında Meıotty bas bostandyqtarynan aıyrdy. Bul týraly RIA «Novostı» habarlady.
Sot sheshimimen Djozef Meıott Kommonvels qalasyndaǵy túrmede 16-20 jylǵa deıin jazasyn óteıtin boldy. Eger 16 jyldyń ishinde ózin túrmede jaqsy jaǵynan kórsetetin bolsa, sol merzimde bostandyqqa shyǵarylady. Olaı bolmaǵan kúnde, jazasyn tolyq óteıdi. Al onyń zaıyby Lında Meıott artyq-kemi joq týra 22 jyl ómirin tar qapasta ótkizedi.
Erli-zaıypty Meıottar 2004 jyly Qazaqstanǵa kelip, 13 jasar ul men onyń 8 jasar qaryndasyn Ýaıtınsvıll qalashyǵyndaǵy úılerine alyp kelgen edi. Biraz ýaqyt ótken soń balalar asyrap alǵan ata-analary tarapynan azǵyrýshylyq áreketterge tap bolǵan. Tipti, Lında asyrandy balasynan júkti bolyp, náreste de týyp alǵan eken.
Sot barysynda erli-zaıyptylardyń shyndyqtan jaltaryp ketýge tyrysqan áreketterinen túk shyqpady.
Aıdar О́risbaev.
