Jas aqyndardyń onlaın músháırasyna óleńder 15 sáýir – 5 mamyr aralyǵynda qabyldanǵan bolatyn. Jyr dodasyna 18 ben 35 jas aralyǵyndaǵy 130-dan astam jas aqynnan óleńder kelip túsken.
Jas býynnyń talanty men talǵamyna, poetıkalyq qarymy men qýatyna aqyn, Halyqaralyq «Alash» ádebı syılyǵynyń laýreaty Janat Áskerbekqyzy; aqyn Baýyrjan Babajanuly О́teýlıev; aqyn Álibek Shegebaı; aqyn, Mahambet syılyǵynyń ıegeri Baqytgúl Babash; aqyn, «Daryn» memlekettik jastar syılyǵynyń laýreaty Qalqaman Sarın qazylyq etti.
Hakim Abaıdyń mereıtoıy qarsańynda onlaın ótken óleń báıgesi kóptegen jas aqyndardyń qalamalystaryn baıqatty. Osy oraıda:
«Esimderi tanylyp, óleńderi qazaq poezııasynyń kóńil qýantarlyq týyndysyna aınalyp úlgirgen saqa aqyndar men poezııa báıgesine kelip qosylǵan jas aqyndardyń jyrlaryna qýandyq. Jańa esimder jarqyrap kórinse eken, qazaq poezııasynan óz oryndaryn alyp úlgergen aqyndarymyz izderin basyp, ózderin ókshelep kele jatqan býynnyń tynysyn sezip, óleń sózdiń ólmeıtinine bek senimdi bolsyn degen nıetpen jastardyń «ishindegi jastaryna» barynsha qoldaý bildirýdi maqsat ettik», deıdi uıymdastyrýshylar.
Sonymen atalǵan músháırada tómendegi talantty aqyndar úzdik dep tanyldy.
Birinshi oryn: Dáýren Tileýhan (700 myń)
Ekinshi oryn : Erbolat Qýatbek, Tasqyn Bolatuly (árqaısysy 500 myńnan)
Úshinshi oryn: Aınur Tóleý, Birjan Ahmer, Qýanysh Erkinuly (árqaısysy 300 myńnan)
ARNAÝLY SYILYQ:
Nurlan Máýkenuly atyndaǵy syılyq – Mıras Asan (200 myń)
Baýyrjan Úsenov atyndaǵy syılyq – Mereı Qart (200 myń)
Amanhan Álimuly atyndaǵy syılyq – Asylbek Jańbyrbaı (200 myń)
Serik Ǵabdýllın atyndaǵy syılyq – Baýyrjan Álqoja (200 myń)
Ǵalym Baıbatyrov atyndaǵy syılyq – Janat Jańqashuly (200 myń)
Hamıt Balshabekov atyndaǵy syılyq – Raýan Qabıoldın (200 myń)
