Jambyl oblysynda turaqty karantın rejımi saqtalýda. Bul týraly oblys ákiminiń orynbasary Nurjan Kalenderov óńirlik kommýnıkasııalar qyzmetiniń alańynda ótken brıfıngte málimdedi. Ol birinshi kezeńde aǵymdaǵy jyldyń 28 sáýirinen bastap birqatar bıznes sýbektileri úshin shekteýler alynǵanyn, nátıjesinde 18 myńǵa jýyq adam jumysyn qaıta bastaǵanyn aıta kele, 11 mamyrdan bastap karantındik sharalardy jeńildetýdiń ekinshi kezeńi engiziletinin, tıisti sheshimdi oblystyq jedel shtabtyń qabyldaıtynyn jetkizdi. 11 mamyrdan bastap sanıtarlyq-epıdemıologııalyq normalardy qatań saqtaı otyryp, birqatar nysandardyń jumys isteýine ruqsat berý usynylatyn bolady. Turmystyq jáne uıymdastyrý tehnıkasyn jóndeý boıynsha servıs ortalyqtary, aqparattyq-kommýnıkasııalyq tehnologııalar kompanııalary, aýdany 500 m2 deıin azyq-túlik emes dúkender, turmystyq tehnıka dúkenderi, optıka dúkender, fotosalondar, gúl satatyn dúkender jáne dúńgirshekter, jyljymaıtyn múlikpen operasııalar boıynsha kompanııalar, jarnama agenttikteri, saqtandyrý kompanııalary, medısınalyq ortalyqtar tańǵy 09.00-den keshki 18.00-ge deıin jumys isteıtin bolady. «Jambyldyqtarǵa, sondaı-aq, kóshede sporttyq jattyǵýlar ótkizýge ruqsat etiledi. «Taraz – Nur-Sultan – Taraz» baǵyty boıynsha avıareıster qaıta iske qosylatyn bolady. Aldyn-ala málimetter boıynsha, ekinshi kezeńde
632 bıznes nysany ashylyp, 6470 adam jumysqa qaıta oralady. Jumysty qaıta bastaý úshin sanıtaızerlerdiń, medısınalyq maskalardyń, qolǵaptardyń bolýy mindetti shart. Shashtarazdar men sulýlyq salondarynyń, barlardyń, túngi jáne oıyn klýbtarynyń, saýda ortalyqtary men kınoteatrlardyń, sport ǵımarattarynyń, monsha, meıramhanalardyń, kafelerdiń, bazarlardyń jáne qoǵamdyq kólikterdiń jumysyna áli de tyıym salynǵan. Sondaı-aq, oıyn-saýyq, sporttyq jáne basqa da qoǵamdyq is-sharalardy, kópshilik jınalatyn otbasylyq, estelik is-sharalardy ótkizýge tyıym salynady. Turǵyndardyń turǵylyqty jerlerine jaqyn serýendeýge ruqsat etiledi, biraq saıabaqtar men skverlerdiń ashylýyna tyıym salynady. Oblys aýmaǵynda jáne Taraz qalasy perımetri boıynsha avtojoldarda, eldi mekenderde blok-beketter jumys isteıtin bolady. Karantındik sharalardy jeńildetýdiń kelesi kezeńi boıynsha sheshimdi óńirdegi qalyptasqan sanıtarlyq-epıdemıologııalyq jaǵdaıdy eskere otyryp, oblystyq jedel shtab qabyldaıdy», dedi Nurjan Kalanderov.
Sonymen qatar brıfıng barysynda Jambyl oblysynyń bas sanıtarlyq dárigeri Ǵazız Nadýev oblys aýmaǵynda aǵymdaǵy jyldyń 24 naýryzy men 11 mamyry aralyǵynda 143 oshaqta koronavırýs indetiniń 179 jaǵdaıynyń tirkelgenin, syrqattanýshylyq kórsetkishi 100 myń turǵynǵa shaqqanda 15,5 paıyzdy quraǵanyny jetkizdi. Bas sanıtarlyq dárigerdiń aıtýynsha, koronavırýstyq ınfeksııanyń birqatar aýmaqtyq jaǵdaılary anyqtalǵan. Taraz qalasynda 86 oqıǵa, Baızaq aýdanynda 18, Jambyl aýdanynda 6, Qordaı aýdany 37, Merki aýdanynda 4, Moıynqum aýdany 1 jáne Shý aýdanynda 2 jaǵdaı tirkelgen. Sondaı-aq, 6 oqıǵa «Úndistan – Taraz» reısimen oblys aýmaǵyna kelgen kelgen jolaýshylardan anyqtalǵan bolsa, 20 sáýir kúni «Atyraý – Shymkent» reısinen 3 oqıǵa, «Atyraý – Taraz» reısinen 4 jaǵdaı, 29 sáýir kúni «Atyraý – Taraz» reısinen 9 oqıǵa jáne 3 mamyrda «Atyraý – Taraz» reısinen 3 jaǵdaı anyqtalǵan.
Jambyl oblysy
