Aımaqtar • 12 Mamyr, 2020

Shyǵys Qazaqstan: «ADAL KÓMEK» tegin quqyqtyq kómek kórsetedi

1264 ret kórsetildi

Jer, salyq, turǵyn-úı, jeńildikpen nesıe alý syndy taqyryptar tolǵandyrady eken.

«Eriktiler jyly» aıasynda azamattardyń quqyqtyq saýattylyqtaryn arttyrý maqsatynda Sybaılas jemqorlyqqa qarsy is-qımyl agenttiginiń bastamasymen «ADAL KÓMEK» jobasy júzege asyrylýda. Bizdiń oblysta óńir turǵyndaryna azamattyq jáne qylmystyq quqyq salasyndaǵy zańgerler, advokattar men notarıýstar keńes berýde. Aımaqtaǵy  qala jáne aýdan ákimdikteriniń, basqarmalardyń zańgerleri de osy aksııaǵa belsendi qatysýda. Mamandar keńesine júgingen jurtshylyqtyń basym kópshiligin áleýmettik salaǵa qatysty, onyń ishinde jer, salyq, turǵyn-úı, jeńildikpen nesıe alý syndy taqyryptar tolǵandyrady eken.

«16 naýryzdan elimizde tótenshe jaǵdaı rejımi engizilýine baılanysty «ADAL KÓMEK» jobasy aıasyndaǵy keńes berýler onlaın rejımde júrgizilýde. Apta saıyn oblystyq Sybaılas jemqorlyqqa qarsy qyzmetiniń «Antıkor ortalyǵynda» oblystyq zańgerlik konsýltanttar palatasynyń zańgerlerimen birlese tikeleı efırde turǵyndar jıi saýaldar qoıatyn zańdardyń normalalary túsindirilýde. Atap aıtsaq, zańger Maksım Kýznesov Jer kodeksiniń normalaryn: jer telimderin alý, rásimdeý jáne aýyl sharýashylyǵy maqsatyndaǵy jerlerdi tıimdi paıdalaný máselelerin túsindirse, advokat Iýlııa Fedchenko Eńbek kodeksine qatysty: eńbek sharttaryn jasasý jáne buzý, jeke jáne ujymdyq eńbek daýlary paıda bolǵan kezde kelisý komıssııasynyń jumysy, eńbek jaǵdaılarynyń ózgerýi, eńbekaqy tóleý, qyzmetkerdiń kelisimisiz eńbekaqysynan ustap qalý, jyl saıynǵy eńbek demalysyn bólip berý týraly túsinikteme berdi. Sondaı-aq, BAQ-tardaǵy, áleýmettik jelilerdegi aqparattarǵa sáıkes elimizde oryn alǵan jaǵdaıǵa baılanysty ıaǵnı karantın rejımi bastalǵannan beri úıdegi zorlyq-zombylyq oqıǵalarynyń sany artqandyǵy baıqalady. Osyǵan baılanysty belgili advokat Aıman Ýmarova jáne oblystyq zańgerlik konsýltanttar palatasynyń tóraıymy Altynaı Arınova "Turmystyq zorlyq-zombylyqtyń aldyn alý týraly" Zańy boıynsha oblys turǵyndaryna tegin quqyqtyq keńes berdi. Qalalyq jáne aýdandyq ákimdikterdiń zańgerleri de joba aıasynda júıeli jumystar júrgizýde. Turǵyndarǵa máselelerin sheshýde quqyqtyq keńes berýmen qatar, zańdardyń normalalaryn túsindirý boıynsha vıdeorolıkter daıyndaldy. Quqyqtyq saýattylyqty arttyrýǵa baǵyttalǵan túsindirý jumystarynyń nátıjesinde turǵyndar túıtkildi suraqtaryna jaýap aldy. «Adal kómek» aksııasy aldaǵy ýaqytta jalǵasady» deıdi Sybaılas jemqorlyqqa qarsy is-qımyl agenttiginiń oblys boıynsha departamentiniń basshysy Erlan Jalmaǵambet.

 О́SKEMEN

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar