Osy bastamaǵa baılanysty búgin Almaty qalalyq energotıimdilik jáne ınfraqurylymdyq damý Basqarma basshysy Áset Masabaev pen Almaty qalalyq áleýmettik ál-aýqat Basqarma basshysynyń orynbasary Danııar Álkebaıuly baspasóz bırıfıngin ótkizip, tómendegideı máselelerdi málimdedi.
Buǵan deıin qoldanylyp kelgen erejelerge sáıkes ótinish bildirgen jáne jeke shoty bar mynadaı sanattaǵy adamdarǵa berilip keldi:
- 1-shi, 2-shi, 3-shi toptaǵy múgedekter;
- múgedek balalardy tárbıelep otyrǵan otbasylar;
- kóp balaly otbasylar;
- Uly Otan soǵysynyń múgedekteri men qatysýshylary jáne Uly Otan soǵysynyń múgedekteri men qatysýshylaryna teńestirilgen adamdar;
- memlekettik nemese qoǵamdyq mindetterdi oryndaý, áskerı qyzmet atqarý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý, quqyqtyq tártipti qorǵaý kezinde qaza tapqan adamdardyń otbasylary;
- eń tómengi jáne odan tómen zeınetaqy alatyn jalǵyz basty zeınetkerler;
- ataýly áleýmettik kómek alatyn azamattar.
Atalǵan sanattarǵa jatatyn adamdardyń tizimin Áleýmettik ál-aýqat basqarmasy daıyndady.
10 mamyrdaǵy jaǵdaı boıynsha Áleýmettik ál-aýqat basqarmasy shyǵyndardyń ótelýine quqyǵy bar adamdardyń sanyn 62 myńnan 119 myńǵa deıin ózgertti.
Búgingi kúni Energotıimdilik basqarmasynyń baılanys ortalyǵynda 148 myń qońyraý tirkeldi, onyń ishinde 17 505 ótinish maquldandy.
О́tinishterdi qabyldaý barysynda birqatar problemalyq máseleler týyndady. Máselen, halyqtyń áleýmettik jaǵynan osal toptaryna jatatyn kóptegen qala turǵyndary jeke esep shottaryn ózine emes, otbasy músheleriniń birine rásimdegen.
Osyǵan baılanysty, óńirler men Almaty qalasy Erejege jeke shot otbasy músheleriniń birine resimdelgen kezde shyǵyndardyń ótelý múmkindigine qatysty ózgerister engizý boıynsha usynystar berdi.
Mınıstrlik atalǵan usynystardy tolyq kólemde qoldady (2020 jylǵy 10 mamyrda ózgerister engizildi).
Bıylǵy jylǵy 10 mamyrdaǵy mınıstrliktiń ózgertilgen buıryǵynyń 6-tarmaǵyna sáıkes «О́zderiniń jeke shottary nemese ózderimen birge turatyn otbasy músheleriniń jeke shottary bolǵan kezde kommýnaldyq qyzmetter boıynsha shyǵyndardyń ótelýine quqyǵy bar adamdardyń sanaty».
Bul rette, Neke (erli-zaıyptylyq) jáne otbasy týraly kodekstiń 3-babynyń 1) tarmaqshasynda Qazaqstan Respýblıkasynyń neke-otbasy zańnamasy: otbasy músheleri: erli-zaıyptylar, ata-analar jáne balalary arasyndaǵy quqyqtar men mindetterdi, múliktik jáne jeke múliktik emes qatynastardy belgileıtini qarastyrylǵan.
Osylaısha, Kodekste ata-anasy, erli-zaıyptylar, olardyń balalary otbasy músheleri bolyp tanylǵan, osy oraıda Erejede kommýnaldyq qyzmetter tólemderiniń ótelýi úshin muqtaj adamdarmen birge turatyn otbasy músheleri ótinish berýge quqyly dep kórsetiledi.
Sonymen qatar, qala turǵyndary úshinshi tulǵalardan turǵyn úıdi jalǵa alatyn muqtajdar sanatyndaǵy adamdardyń shyǵyndaryn óteý máselesin kóterýde. Bul máselege qatysty ákimdik olardy shyǵyndardyń ótelýine quqyǵy bar adamdardyń sanatyna qosý jóninde usynys engizgen. О́kinishke oraı, turǵyn úıdi jalǵa berýdiń ashyq bolmaýyna jáne naqty málimetterdiń bolmaýyna baılanysty bul usynys qoldaý tappady.
