Aqtóbede Qazaqstannyń halyq jazýshysy Tahaýı Ahtanovtyń 90 jyldyǵyna arnalǵan elimizdiń drama teatrlarynyń HHI respýblıkalyq festıvali ashyldy. Bes kún boıy júretin festıvaldiń maqsaty qazaqtyń ataqty jazýshysy, dramatýrgi, Memlekettik syılyqtyń laýreaty, kórnekti mádenıet jáne óner qaıratkeri Tahaýı Ahtanovty eske alý elimizde teatr ónerin nasıhattaý, dástúrli teatr ónerin damytý, daryndy ártister men rejısserlerdi yntalandyrý, qazirgi zamanǵy sahna ónerinindegi jańa baǵyttardy anyqtaý, óskeleń urpaqty patrıotızm rýhynda tárbıeleýge atsalysý bolyp tabylady.
Aqtóbede Qazaqstannyń halyq jazýshysy Tahaýı Ahtanovtyń 90 jyldyǵyna arnalǵan elimizdiń drama teatrlarynyń HHI respýblıkalyq festıvali ashyldy. Bes kún boıy júretin festıvaldiń maqsaty qazaqtyń ataqty jazýshysy, dramatýrgi, Memlekettik syılyqtyń laýreaty, kórnekti mádenıet jáne óner qaıratkeri Tahaýı Ahtanovty eske alý elimizde teatr ónerin nasıhattaý, dástúrli teatr ónerin damytý, daryndy ártister men rejısserlerdi yntalandyrý, qazirgi zamanǵy sahna ónerinindegi jańa baǵyttardy anyqtaý, óskeleń urpaqty patrıotızm rýhynda tárbıeleýge atsalysý bolyp tabylady.
Festıval shymyldyǵy «Nur Otan» HDP oblystyq fılıalynyń ǵımaratynda ótken «Tahaýı Ahtanov – qazaq ádebıetiniń klassıgi» atty ǵylymı konferensııamen ashyldy. Ǵylymı konferensııany júrgizip otyrǵan belgili aqyn, «Shamshyraq Aqtóbe» JShS dırektory Meıirhan Aqdáýletov «Tahańnyń toıy – parasattylyqtyń toıy. Ol qandaı da qurmetke, qandaı da marapatqa laıyq tulǵa. Jazýshynyń mereıtoıyn halyqaralyq deńgeıde uıymdastyrsa da artyq bolmas edi», dep aıryqsha atap ótti.
Aqyn Ertaı Ashyqbaev «Tahaýı Ahtanov – erekshe talant» atty baıandamasynda negizinen jazýshynyń qazaq ádebıetiniń altyn qoryn baıytqan kesek týyndylary – «Qaharly kúnder», «Boran» jáne «Shyraǵyń sónbesin» romandaryn jan-jaqty taldady.
Ol jazýshynyń dramatýrgııasyna da toqtala ketti. Elimizdiń drama teatrlarynda onyń «Kúshik kúıeý» pesasynyń 100 ret sahnalanǵanyn, «Mahabbat muńy» pesasy negizinde túsirilgen fılmde qazaqtyń talantty aqyny Tólegen Aıbergenovtiń 12 óleńi oqylǵanyn, «Dos-Muqasan» ansambliniń oryndaýyndaǵy 20 án qamtylǵanyn tilge tıek etti.
Taraz gýmanıtarlyq-tehnıkalyq ýnıversıtetiniń professory, fılologııa ǵylymdarynyń doktory Sámen Qulbaraq «T.Ahtanov – qazaq ádebıetiniń kórnekti tulǵasy» degen baıandamasynda jazýshynyń ádebıetke degen adaldyǵyn alǵa tarta sóıledi. Ahtanovtyń da ádebıet álemine óleńmen kelip, keıin Qasym Amanjolovtyń «óleń jazýdy qoısań qaıtedi» degen bir aýyz sózine qulaq asyp, prozaǵa biryńǵaı bet burǵanyn mysalǵa keltire otyryp, ádebıet tazalyǵy jolyndaǵy qareketterin eske túsirdi. Jazýshymen aǵaly-inili bolyp syılasqan belgili qalamger Qajyǵalı Muhambetqalıev ádebıetke degen adaldyǵy, kisilik kelbeti haqynda oı órbitti. Onyń qaıratkerligi, azamattyǵy Áýezovke qatysty daý-damaı týyndaǵan kezde aıqyn kóringenin, bátýáli sózin aıtyp, Áýezovti jaladan qorǵap shyqqanyn aıtty. Tahańnyń «Týra bıde týǵan joq, týǵandy bıde ıman joq» degendeı ádebıetke kelgende jaltaqtamaı týra aıtatyn qasıetin qadirleıtinin jetkizdi. Aqyn Seıfolla Ospanov jazýshynyń azamattyǵy týraly sóz qozǵady. Tahaýı Ahtanovtyń talantty tulǵalar Berdibek Soqpaqbaevqa, Muqaǵalı Maqataevqa jasaǵan qamqorlyqtary jaıly áńgimeledi.
Festıvaldiń ashylý saltanatyna jınalǵandar Tahaýı Ahtanov atyndaǵy kósheniń boıynda jyldyń aıaǵyna deıin qazaq ádebıetiniń klassıkteri – jazýshy Tahaýı Ahtanov pen aqyn Qýandyq Shańǵytbaevqa ornatylatyn eskertkishtiń tuǵyrtasy qalaný rásimine qatysty.
Tahaýı Ahtanov atyndaǵy oblystyq drama teatry aldyndaǵy ásem bezendirilgen alańda uıymdastyrylǵan festıvaldiń saltanatty ashylýynda sóz alǵan Mádenıet jáne aqparat mınıstrligi Mádenıet komıteti tóraǵasynyń orynbasary Roza Káripjanova festıvaldi uıymdastyrýǵa uıytqy bolǵan oblys ákimdigine mınıstr Muhtar Qul-Muhammedtiń alǵysyn jetkizdi. Dástúrli ótkizilip kele jatqan drama teatrlary festıvaliniń uıymdastyrylýyna rızashylyǵyn bildirdi. Oblys ákiminiń orynbasary Sara Nurqatova festıvalǵa qatysýshylardy quttyqtap, óner jolynda sáttilikter tiledi.
Odan keıin qazylar alqasynyń jáne festıvaldi uıymdastyrýshylardyń qatysýymen baspasó
