Saıystyń maqsaty - búldirshinderdiń boıynda Otanǵa degen súıispenshiligin, patrıottyq sezimin qalyptastyrý, balalardyń shyǵarmashylyq jáne kórkemdik qııaldaý daǵdylaryn damytýǵa múmkindik týǵyzý. О́ner salasynda estetıkalyq talǵamyn qabiletteri men daǵdylaryn qalyptastyrý.
Osyǵan oraı, dodaǵa qatysýshylardyń materıaldary men basqa da qujattary 12.05.2020-15.05.2020 aralyǵynda info@daryn – shymkent.kz elektrondyq mekenjaıyna joldanýy tıis.
Qatysýshy balabaqsha tárbıelenýshileri saıystyń erejesi boıynsha «Meniń Otanym - Qazaqstan!» taqyrybynda salǵan sýret nemese mánerlep óleń oqyǵan vıdeo jazbasyn joǵaryda kórsetilgen elektrondy mekenjaıyna jiberýi tıis.
Sýret baıqaýy boıynsha materıalda oryndalǵan sýretter jumysy qalaǵan qaǵaz túrine kez-kelgen boıaý quraldaryn paıdalanýy múmkin. Baıqaýǵa usynylǵan jumysty sýretke túsirip nemese skanerden ótkizý shart. Jumystar A4 betinde salynǵan bolýy kerek. Sondaı-aq, qatysýshynyń eńbegi 1 danadan artyq bolmaýy qajet. Al, mánerlep óleń oqý baıqaýy boıynsha óleń joldary tórt shýmaqtan, vıdeo uzaqtyǵy 1 mınýttan aspaýy qajet.
Baıqaýǵa jiberilgen materıaldyń (sýret, vıdeo) árqaısysynda balabaqsha ataýy men qatysýshynyń tolyq aty-jóni jazylýy tıis. Baıqaý qorytyndysy, marapattar 2020 jyldyń 20 mamyrynda Shymkent qalasy Daryn ortalyǵynyń feısbýk paraqshasynda jarııalanady.
