Olardyń basym bóligi Polısııa departamentiniń ekstremızmge qarsy is-qımyl basqarmasy qyzmetkerleriniń áleýmettik jelilerdi jáne basqa da ınternet-resýrstardy tekserý kezinde tabyldy.
«Dinı ádebıetti jáne dinı mazmundaǵy basylymdardy satýǵa jeke quqy bar zańdy túrde kitap satatyn oryndarǵa ǵana ruqsat etilgen. Osyǵan qaramastan olardy ınternet-resýrstar arqyly satý faktileri kezdesedi. Dinı ádebıetti jáne dinı maqsattaǵy ózge de materıaldardy, zattardy ákelgeni nemese taratqany úshin Ákimshilik quqyq buzýshylyqtar týraly kodekstiń 490-babymen jeke tulǵalarǵa 50 aılyq eseptik kórsetkish kóleminde, zańdy tulǵalarǵa – 200 AEK kóleminde aıyppul salý kózdelgen», - deıdi ekstremızmge qarsy is-qımyl basqarmasynyń bastyǵy, polısııa maıory Rýslan Muhambetjanov.
Ustalǵandar týraly aıtsaq, Mamlıýt qalasynyń 31 jasar turǵyny «VKontakte» áleýmettik jelisi arqyly dinı mazmundaǵy aýdıo jáne beıne faıldardy taratqan. Atalǵan fakti polıseılerdiń áleýmettik jelilerge monıtorıng júrgizý kezinde anyqtalǵan. Er adam ákimshilik jaýapkershilikke tartylyp, 120 myń teńge aıyppul tóledi. Petropavl qalasynyń eki turǵyny da «OLX» saıtynda dinı mazmundaǵy basylymdar satpaqshy bolǵan, bul da ákimshilik zańnama buzýshylyǵy bolyp tabylady. Atalǵan faktiler boıynsha ákimshilik materıaldar jınalǵan. Sondaı-aq, Qyrǵyzstanǵa tranzıtpen ketip bara jatqan 35 jasar adamnyń zattarynyń arasynan «Tablıǵı Djamagat» atty destrýktıvti dinı aǵymynyń ádebıetteri shyqqan. Bulardy Qazaqstan aýmaǵynda taratýǵa, ákelýge jáne basyp shyǵarýǵa tyıym salynǵandyqtan 200 myń teńge aıyppul salyndy.
PETROPAVL
