Belgili ǵalym Muftah Dıarovtyń eńbegi de, azamattyq bolmysy da osylaı deýge ábden laıyq
Jasy ulǵaısa da qarttyqqa boı aldyrmaǵandar qataryndaǵy Muftah Dıarovty bilmeıtinder kemde-kem. Ǵalymnyń jer astyndaǵy qazba baılyqtardyń moldyǵy týraly bilimdarlyǵy, ásirese, munaı kenishteri jóninde pikirin bildirgende bar derekti qaǵazǵa qaramaı-aq jatqa soǵatyny barshany tańǵaldyrady. Ár ken ornynyń ózindik ereksheligin, mańyzy men keleshegin dál Muftah Dıarovtaı jetik biletinder sonshalyqty kóp bola qoımas. Soǵan oraı kópshilik ony týǵan jeriniń tamyrshysy dep ataıdy.
Belgili ǵalym Muftah Dıarovtyń eńbegi de, azamattyq bolmysy da osylaı deýge ábden laıyq
Jasy ulǵaısa da qarttyqqa boı aldyrmaǵandar qataryndaǵy Muftah Dıarovty bilmeıtinder kemde-kem. Ǵalymnyń jer astyndaǵy qazba baılyqtardyń moldyǵy týraly bilimdarlyǵy, ásirese, munaı kenishteri jóninde pikirin bildirgende bar derekti qaǵazǵa qaramaı-aq jatqa soǵatyny barshany tańǵaldyrady. Ár ken ornynyń ózindik ereksheligin, mańyzy men keleshegin dál Muftah Dıarovtaı jetik biletinder sonshalyqty kóp bola qoımas. Soǵan oraı kópshilik ony týǵan jeriniń tamyrshysy dep ataıdy.
Eńbastyjetistiktińbiri – Inderdegi №99, 100, 102 jáneSátımolaúlkenkenoryndarynyńashylýy. Tabıǵı qorynyń moldyǵymen kópshiliktiń nazaryn aýdarǵan osy ken oryndaryn ashýǵa Muftah Dıaruly kóp eńbek sińirdi. Ol eńbekten qol úzbeı, doktorlyq dıssertasııasyn qorǵady, 170-ge jýyq ǵylymı eńbek jazdy. Munyń syrtynda 8 monografııasy men 5 ónertapqyshtyq jumysy jáne bar. Keıin Ulttyq ǵylym akademııasynyń akademıgi, Mıneraldy resýrstar akademııasynyń akademıgi atandy.
Bul kúnde onyń esimi tek Qazaqstanǵa ǵana emes, TMD elderine, tipti shetmemleketterge keńinen tanymal deı alamyz. Muny ózi de biledi, biraq bireýge aıtyp, maqtanǵysy joq. Jasy 80-ge kelse de áli kúnge eldiń ǵylymı áleýetin kóterýdi oılaıdy. Qazir ǵalym ózi ashqan ken ornynyń biri – Sátımolany ıgerýde baı tájirıbesimen bólisip, «Satbor» kompanııasynda jumysyn jalǵastyryp keledi. О́ıtkeni, Sátımolanyń qoryn, ony ıgerýdiń joldaryn Muftah Dıarov óte jaqsy biledi. Ǵalym «Satbor» kompanııasynyń bas dırektory Talǵat Qasenov jáne kompanııa basshysynyń geologııa jónindegi keńesshisi Qasan Qamashevpen birge 2012 jyly «Gorno-hımıcheskoe syrıo mestorojdenııa Satımola. Boraty. Kalıınye solı» atty ǵylymı tujyrymdamalarǵa baı kitap jazdy.
Sátımola ken orny – quramynda kalıı jáne bor kezdesetin tuzdardyń iri mıneraldy-shıkizat bazasy. Osynaý iri ken ornyn ıgerý úshin 2001 jyly sheteldik ınvestordyń qatysýymen «Satbor» taý-ken óńdeýshi kásiporny quryldy («Satbor» ShQ JShS). 2004 jyly 19 sáýirde № 1391 QR Úkimetimen jer qoınaýyn paıdalanýǵa kelisimshart jasaldy.
Atalǵan kompanııanyń qyzmeti álemdik standartqa saı mıneraldy kalıı tyńaıtqyshyn shyǵarýdy kózdeıdi. Al bul Qazaqstannyń álemdik naryqta mıneraldy tyńaıtqyshty eń negizgi, eń mańyzdy óndirýshi, sondaı-aq, eń mańyzdy eksporttaýshy bolýyna múmkindik beredi. Mine, el ıgiligi jolyndaǵy osynaý mańyzdy jobanyń abyroıly iske asyrylýynda Muftah Dıarovtyń da laıyqty úlesi bar.
Iá, týǵan jerdiń tamyrshysyna aınalǵan Muftah Dıarovtaı otanshyl adam ǵana el úshin eńbek etýden eshqashan jalyqpaıdy.
Joldasbek ShО́PEǴUL,
«Egemen Qazaqstan».
____________________
Quttyqtaımyz!
Akademık, geologııa-mıneralogııa ǵylymdarynyń doktory Muftah Dıarovty 80 jasqa tolýymen quttyqtaımyz.
Sizdi sanaly ómiriniń 60 jyldan astam merzimin týǵan jerdiń tabıǵı qazynasyn ashýǵa, otandyq ǵylymnyń damýyna arnaǵan ǵalym, bilikti ustaz, aqylshy aǵa retinde tanımyz. О́zińizdiń tálimdi tárbıeńiz ben dárisińizdi alǵan shákirtterińiz ben uzaq jylǵy ǵylymı izdenisińizdiń nátıjesinde ashylǵan ken oryndary el ekonomıkasynyń órkendeýine qyzmet etip keledi.
Biz sizdi búgingi 80 jasqa tolýyńyzben shyn júrekten quttyqtap, myqty densaýlyq pen otbasy baqytyn tileımiz.
«Satbor» ShQ JShS-niń jáne
Satimola Limited kompanııasynyń ujymdary.
