Keshe Premer-Mınıstrdiń birinshi orynbasary – О́ńirlik damý mınıstri Baqytjan Saǵyntaev jumys saparymen Ońtústik Qazaqstan oblysyna bardy. Kúnniń alǵashqy jartysynda birinshi vıse-premer Maqtaaral aýdanynda bolyp, onda «Nuralyjol-J» sharýa qojalyǵyndaǵy maqta, baqshalyq daqyldar jáne jońyshqa egistigimen tanysty.
Keshe Premer-Mınıstrdiń birinshi orynbasary – О́ńirlik damý mınıstri Baqytjan Saǵyntaev jumys saparymen Ońtústik Qazaqstan oblysyna bardy. Kúnniń alǵashqy jartysynda birinshi vıse-premer Maqtaaral aýdanynda bolyp, onda «Nuralyjol-J» sharýa qojalyǵyndaǵy maqta, baqshalyq daqyldar jáne jońyshqa egistigimen tanysty.
B.Saǵyntaev Dildábek aýyldyq okrýginde Shardara sý qoımasynan mashınalyq sý jiberý sorǵy stansasyn qarap shyqty. Odan keıin birinshi vıse-premer maqta jáne baqshalyq daqyldardy, sondaı-aq, júzimdikter, alma baqtaryn, anar jáne basqa da jemis-jıdek ónimderin ósirýmen aınalysatyn «Qarshyǵa» sharýa qojalyǵynda boldy. Munda ol Maqtaaral aýdanynyń maqtaly egistik alqaptaryn ártaraptandyrý máseleleri jóninde keńes ótkizdi.
О́ńirde maqtanyń dara daqyldyǵynyń basymdyǵy, vegetasııalyq kezeńde sý resýrstarynyń tapshylyǵy, sýarylatyn jerlerdiń melıoratıvtik jaı-kúıiniń nasharlaýyna baılanysty problemalar bar ekendigi belgili. Atalǵan problemalardy sheshý úshin 2014-2016 jyldarǵa arnalǵan egistik alqaptaryn ártaraptandyrý boıynsha is-qımyldardyń egjeı-tegjeıli jospary ázirlenýde. B.Saǵyntaevtyń tapsyrmasy boıynsha oblys ákimdigi múddeli mınıstrliktermen birlese otyryp atalǵan qujatty Úkimet qaraýyna engizetin bolady.
Kúnniń ekinshi jartysynda birinshi vıse-premer Shardara SES-i jumysymen tanysyp, odan Shardara sý qoımasynyń Arnasaı bógetine bardy. Onda Arnasaı bógetindegi gıdrotehnıkalyq qurylystar keshenin qaıta jańartý jobasyn iske asyrý máseleleri talqylandy.
«Egemen-aqparat».
