«1 maýsymnan bastap poezdar kúsheıtilgen sanıtarııalyq-dezınfeksııalyq rejımdi jáne qosymsha talaptardy saqtaı otyryp, jumysyn qaıta bastaıdy. Vokzal ǵımaratyna tek bıleti bar jolaýshylar kirgiziledi. Jolaýshylar maska taǵýǵa, al jolserikter betperdemen qosa qolǵap kııýge mindetti», - dedi Sádýaqas Baıǵabylov.
Onyń aıtýynsha, shyǵaryp salýshylar vokzal ǵımaratyna kire almaıdy. Shyǵaryp salýshylar jolaýshylarmen syrtta qoshtasýy tıis. Vokzaldyń ózindik qaýipsizdik qyzmeti kire beriste barlyq adamnyń dene qyzýyn baılanyssyz termometrmen tekseredi.
«Vokzal ishinde, poıyzǵa otyrarda jáne odan túserde jolaýshylar arasynda áleýmettik ara qashyqtyq saqtalýy tıis. Vagondar arasynda jolaýshylardyń qozǵalysy shekteledi. Poıyz júrgennen keıin jolserikter jolaýshylarǵa anketa taratady. Vokzal men poıyzdarda jumys isteıtin qyzmetkerler ár aýysym aldynda medısınalyq tekseristen ótedi. Eger jaǵdaı turaqtalsa, bul sharalar kezeń-kezeńmen jeńildetiledi», – dedi ol.
