Jaqynda Aqtóbe qalasynyń ákimi Erhan Omarov Qytaı Halyq Respýblıkasy Shyńjan-Uıǵyr avtonomııaly aýdany Qaramaı qalasy halyqtyq úkimeti meriniń birinshi orynbasary Iаn Sıýeven bastaǵan delegasııany qabyldady.
Jaqynda Aqtóbe qalasynyń ákimi Erhan Omarov Qytaı Halyq Respýblıkasy Shyńjan-Uıǵyr avtonomııaly aýdany Qaramaı qalasy halyqtyq úkimeti meriniń birinshi orynbasary Iаn Sıýeven bastaǵan delegasııany qabyldady.
Ústimizdegi jylǵy 7 qyrkúıekte Prezıdent Nursultan Nazarbaev Qytaı Halyq Respýblıkasynyń Tóraǵasy Sı Szınpınmen kezdesip, eki el arasyndaǵy strategııalyq yntymaqtastyqty odan ári nyǵaıtý jóninde kelisimge kelgeni belgili. Aqtóbe jáne Qaramaı qalalary basshylarynyń bul kezdesýiniń maqsaty osy kelisimder aıasynda aımaqtar arasynda áriptestik qarym-qatynas ornatýdyń bastapqy qadamy bolyp tabylady. Qytaı delegasııasynyń bizdiń qalamyzǵa kezekti issapary aldaǵy ýaqytta osy qalalar arasynda iskerlik qarym-qatynastyń ornaýyna, sonymen qatar, áleýmettik jáne ekonomıkalyq salalarda aqparat almasý alańyna aınalýyna alǵyshart jasaıdy dep kútilýde.
Shahar basshysy bul kezdesýdiń qalalar arasyndaǵy qarym-qatynasty nyǵaıtýǵa berik negiz qalaıtynyn aıta kelip, qazir eki el arasyndaǵy taýar aınalymy 26 mıllıard dollar quraıtynyn, Elbasy N. Nazarbaevtyń ony bolashaqta 40 mıllıard dollarǵa deıin jetkizýge tapsyrma bergenin jetkizdi.
Kezdesýde sóılegen Qaramaı qalasy halyqtyq úkimet meriniń birinshi orynbasary Iаn Sıýeven eki eldiń, eki qalanyń arasynda yntymaqtastyqty nyǵaıtýdyń mańyzdylyǵyn atap ótti. Onyń málimdeýinshe, Qaramaı da Aqtóbe sekildi óndirisi jaqsy damyǵan munaıly ólke. Qazaqstanda Qaramaı qalasymen dostyq qarym-qatynas ornatý baǵytynda Aqtóbe jáne Aqtaý qalalary kelisimge qol qoıǵan. Qazirgi ýaqytta Aqtaý qalasynda QHR seriktesteriniń qatysýymen qubyr zaýyty men munaı jabdyqtary kesheni qurylysyn júrgizý josparlanyp otyrǵan kórinedi. Al Aqtóbe men Qaramaı ázirge tek dostyq qarym-qatynastar ornatý kelisimine qol qoıdy. Bul kezdesý eki jaqtan da úlken isterdiń bastamasy retinde baǵalandy.
Qytaılyq qonaqtar «SNPS-Aqtóbemunaıgaz» AQ basshysymen kezdesip, nysandarda boldy, «Aktıýbstroıhımmontaj» JShS-nyń polıetılen qubyrlaryn shyǵaratyn jáne «TK Farm Aqtóbe» JShS-nyń joǵary tehnologııalyq qytaı jabdyqtary qoldanylatyn dári-dármek shyǵarý zaýyttarynyń jumystarymen tanysty.Olar Nazarbaev zııatkerlik mektebin jáne basqa da birqatar mádenı nysandardy aralap kórdi.
Satybaldy SÁÝIRBAI,
«Egemen Qazaqstan».
Aqtóbe oblysy.
