Qytaı Aýylsharýashylyǵy mınıstrligi sáýir aıynyń basy jáne aıaǵynda qazaqstandyq áriptesterine gýmanıtarlyq kómek retinde medısınalyq buıymdar: myń dana kózildirik pen kostıýmder, sondaı-aq 30 myń medısınalyq betperdeler jiberdi. Qorǵanys quraldarynyń barlyǵy baqylaý beketterindegi veterınarlyq ınspektorlarǵa berildi.
Qazirgi ýaqytta eki eldiń aýyl sharýashylyǵy mınıstrlikteri birqatar azyq-túlik ónimderin, atap aıtqanda, shoshqa eti, qoı eti, sıyr eti, balyq jáne balyq ónimderin, sút jáne sút ónimderin, bal men jún shıkizatyn Qazaqstannan QHR-ǵa eksporttaýǵa veterınarlyq talaptar týraly kelisim jasalǵan.
Bul kelisim taýar aınalymyn ulǵaıtýǵa múmkindik berip, qazaqstandyq kásiporyndar úshin Qytaı naryǵyna jol ashty.
Mınıstrlikter sonymen qatar aýylsharýashylyq ǵylymy men bilimi, óndiris tehnologııalaryn engizý jáne organıkalyq ónimderge sertıfıkattaý júıesin qurý máselelerinde belsendi jumys isteıdi, óıtkeni Qazaqstannyń ekologııalyq taza tabıǵı ónimderine Qytaı tutynýshylary arasynda suranys joǵary.
Qazaqstan Respýblıkasynyń Aýyl sharýashylyǵy mınıstrligi Qytaı Aýyl sharýashylyǵy mınıstrligin adal seriktes retinde tanıdy jáne COVID 19 vırýsymen kúresýde kórsetken qoldaýy úshin qurmet pen rızashylyǵyn bildiredi.
