«Keshe Nur-Sultan qalasynda koronavırýs dertinen 2 azamat qaıtys boldy. Birinshi naýqas 1958 jyly týǵan áıel adam on kúndeı úıinde ózin-ózi emdegen. 31 naýryz kúni jaǵdaıy aýyrlaǵanda jedel járdem arqyly juqpaly aýrýlar aýrýhanasynyń jansaqtaý bólimine jatqyzylyp, jasandy ókpeni jeldetý apparatyna qosyldy. Jaǵdaıynyń aýyrlyǵyna baılanysty 18 sáýirde respýblıkalyq qarqyndy terapııa ortalyǵyna aýystyryldy. Emdeý hattamasyna sáıkes, naýqasqa qajetti em-dom sharalary júrgizildi. Biraq reanımasııalyq sharalarǵa qaramastan, naýqas 13 mamyr kúni kóz jumdy. Ekinshi naýqas - 1977 jyly týǵan er adam. Otbasynda koronavırýs juqtyrǵan janmen jaqyn qatynasta bolǵan. Tórt kún úı karantıninde bolǵan. 17 sáýirde jedel járdem qyzmeti arqyly juqpaly aýrýlar aýrýhanasyna jetkizildi. Oǵan tıisti emdeý sharalary jasaldy. Alaıda jaǵdaıy aýyrlaǵandyqtan, 22 sáýirde jansaqtaý bólimine aýystyryldy. Naýqas sońǵy eki jylda qosymsha aýrýlary boıynsha emhanada tirkeýde bolǵan. 13 mamyrda qarqyndy terapııaǵa qaramastan, naýqas qaıtys boldy» dedi ol.
