Qoǵam • 15 Mamyr, 2020

Nur-Sultannyń densaýlyq saqtaý júıesin sıfrlandyrý jumysy jalǵasýda

16 ret kórsetildi

10 myńǵa jýyq medısına qyzmetkeri medısınalyq aqparattyq júıelerde jumys isteýdi úırenip, kompıýterlik saýattylyǵyn arttyrdy.  1 mln medısınalyq qujat sıfrlandyryldy, sonyń arqasynda ár turǵynnyń elektrondy densaýlyq pasporty bar. Bul týraly elorda ákimdiginiń resmı saıty habarlady.

«Halyqtyń densaýlyq saqtaý salasyndaǵy sıfrlyq saýattylyǵyn arttyrý úshin barlyq  emhanalarda aqparattyq júıeniń mobıldi qosymshasynda jumys isteýdi úıretetin sıfrlyq beketter quryldy. Onda turǵyndar dárigerdiń qabyldaýyna aldyn ala jazylý nemese ony úıge shaqyrý, zerthanalyq zertteýlerdiń nátıjesimen tanysýdy úırendi», - delingen qalalyq Qoǵamdyq densaýlyqty saqtaý basqarmasynyń habarlamasynda.

Budan bólek, Nur-Sultan qalasynyń ákimdigi alǵash ret «Astana – adaldyq alańy» jobasymen birlesip, densaýlyq saqtaý uıymdary bergen anyqtamalardyń zańdylyǵyn tekseretin aqparattyq servıs ázirlendi. Berilgen ár medısınalyq anyqtamaǵa QR-kod engizilgen, ony skanerleý arqyly qujattyń túpnusqalyǵyn tekserýge bolady.

Halyqpen keri baılanys ornatý úshin «Smart Astana» mobıldi qosymshasy arqyly onlaın-rejımde naýqastardyń kórsetilgen qyzmetke qanaǵattaný deńgeıin baqylaýǵa múmkindik beretin aqparattyq servıs jasaldy. Elordanyń barlyq medısına mekemelerindegi dárigerlerdiń esikterinde QR-kody bar arnaıy taqtaısha bar. Kodty skanerlep, dárigerdiń etıkasy boıynsha pikir qaldyrýǵa bolady. Bul sharalar halyqpen keri baılanysty jaqsartyp, qyzmet kórsetý sapasyn arttyrady.

«Medısına uıymdarynyń tehnıkalyq daıyndyǵy: 100% kompıýter tehnıkasymen jabdyqtalyp, ınternet jelisine qosylǵan. Nur-Sultannyń 93 medısınalyq uıymynyń barlyǵy Kepildi kólemdegi tegin medısınalyq kómek pen Mindetti áleýmettik medısınalyq saqtandyrý aıasynda medısınalyq kómek kórsetý týraly kelisim jasap, QR DSM men «Saqtandyrý»  aqparattyq júıesimen  100% ıntegrasııalandy», - delingen habarlamada.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar