«О́tken jyly Indýstrıaldy aımaqtyń jumys isteý prınsıpin qaıta qarastyrdyq. Qalaǵa ekonomıkanyń naqty sektoryn qaıtaryp, damytý qajet. Búginde 12 joba júzege asyryldy. Taǵy 46 joba iske asyrylý satysynda tur. Sonyń 10-yn bıyl, al 23-in kelesi jyly iske qosýdy josparlap otyrmyz. Barlyq 58 jobanyń ınvestısııasynyń jalpy somasy 248 mlrd teńge. Tamaq pen medısına ónerkásibi, logıstıka, qurylys jáne avtomobıl jasaý salasyndaǵy joǵary bilikti mamandar úshin 8,5 myń jumys orny qurylatyn bolady.
Atap aıtqanda, energııalyq tıimdi sáýlettik qasbetter zaýyty salynýda. Kásiporyn joǵary sapaly energııa únemdeıtin PVH jáne alıýmınıı profıldik qurylymdardy shyǵarýdy jolǵa qoıyp otyr. Onyń qýaty - jylyna 475 myń sharshy metr. Al jobanyń quny - 3,8 mlrd teńgeni quraıdy. 80 jumys orny ashylady.
Birinshi kezeńi ótken jyldyń sońynda bastalǵan Hyundai Trans Kazakhstan avtoqurastyrý zaýytynda jylyna 45 myń avtokólik shyǵarylady. Jumys kólemniń 75%-yn Qazaqstanda, 25% - yn taıaý shet elderde iske asyrý josparlanýda. Ekinshi kezeńdi iske qosý aǵymdaǵy jyldyń kúzine josparlanǵan. Boıaý, dánekerleý jáne basqa da óndiristik avtomattandyrylǵan jeliler ashylatyn bolady. Bul rette, kásiporyn oqshaýlaý úlesin 5 jyl ishinde bir model úshin birtindep 50%-ǵa deıin ósire otyryp jetkizetin bolady. Jobanyń jalpy quny 25 mlrd teńgeni quraıdy. Munda 700 jumys orny ashylady», - deıdi shahar basshysy.
Qala ákimi B. Saǵyntaev atap ótkendeı, Almatyny ındýstrııalandyrý úshin joǵary tehnologııalyq óndirister qurý qajet, onda biliktiligi joǵary mamandar úshin joǵary aqy tólenetin jumys oryndary ashylady.
«Mundaı jobalar Almatynyń álemdegi damyǵan qalalardyń arasynda básekege qabiletti bolýyna múmkindik beredi. Oǵan qosa jańa ekonomıkalyq modeliniń ósýiniń negizine aınalady. Ekonomıkanyń qurylymdyq manevriniń basty maqsaty da osy. Eksporttyq óndiristerdi damytý jáne álemdik joǵary tehnologııalar ekonomıkasyndaǵy bizdiń óndirýshilerdiń úlesin keńeıtý qala ekonomıkasyn ártaraptandyrýǵa múmkindik beredi», – dep atap ótti Baqytjan Saǵyntaev.
Indýstrııalyq aımaqta azyq-túlik qaýipsizdigin qamtamasyz etý sharalary sheńberinde jylyjaı kesheniniń jobasy iske asyryldy. Qýattylyǵy 7,2 myń tonna ónim bolatyn kókónis óndirisi jolǵa qoıyldy. Jobada quny 7,8 mlrd teńge bolatyn 185 jumys orny ashyldy. О́ndiriste tyńaıtqyshtar men mıneraldardy avtomatty túrde beretin tamshylatyp sýarý júıesi qoldanylady.
Sondaı-aq tamaq ónerkásibi klasterinde tolyq óndiristik sıklmen et óńdeıtin zaýyt ashyldy. Qýattylyǵy 3,5 myń tonna bolatyn kásiporynda 100-den astam shujyq ónimderi shyǵarylady. 250 jumys orny ashyldy.
Jumys sapary barysynda qala ákimi sondaı-aq «Kelet» AQ-nyń sýmen jabdyqtaý, jylytý jáne jeldetý, sonyń ishinde gaz qazandary men sý sorǵylaryn óndiretin zaýytqa bardy. Jumys oryndarynyń sany - 230, karantın kezinde 190 adam jumys isteýde. Sondaı-aq dezınfeksııalyq kabınalar da durys jolǵa qoıylǵan.
