№7 qaýlydaǵy ózgerister 17 mamyr kúni saǵat 00:00-den bastap kúshine enedi.
-Sanıtarlyq normalardy saqtaı otyra dinı maqsattaǵy nysandarǵa jumysyn saǵat 07:00-den 20:00-ge deıin jasaýǵa ruqsat beriledi. О́zen kóligi qyzmetine (qydyrý teplohodtary, barjalar, katerler t.b.) saǵat 07:00-den 21:00-ge deıin ruqsat beriledi. Bunyń bárinde jalpy paıdaly aýmaqtyń 30 paıyzdan kóp emes aýmaǵyn toltyrýǵa ruqsat. Kelýshiler arasynda qashyqtyqty saqtaý maqsatynda 1,5 metrden kem emes belgini salý, betperdelik rejımdi saqtaý, 3 retten kem emes ret jeldetý, dezınfeksııalyq rejımdi kúsheıtý talabyn saqtaý kerek, - delingen qaýlyda.
Sonymen qatar sanıtarlyq-dezınfeksııalyq sharalar men áleýmettik qashyqtyqty kúsheıte otyra, qonaqúıler keshenderi jumysyna kirisedi. Oǵan qosa, bir ýaqytta kelýshilerdiń sanyn 30 adamnan kóbeıtpeı shekteý arqyly, qoǵamdyq tamaqtaný nysandaryna jumysyn saǵat 8:00-den 21:00-ge deıin jalǵastyrýǵa ruqsat.
-Tamaqtaný oryndarynda ujymnyń bir rettik qolǵaptar men betperdeni paıdalanýy, betperdeni ár 3 saǵat saıyn 1 ret aýystyryp otyrýy, sanıtaızerler ornatýy, kúsheıtilgen dezınfeksııalyq rejımdi engizýi, jiti respıratorlyq ınfeksııasy belgileri bar qyzmetkerdi jumysqa jibermeýi, bólmelerdi jumys aýysymy bitken soń nemese ár 6 saǵat saıyn dezınfeksııalyq quraldardy paıdalaný arqyly jeldetip, ylǵaldy jınaýy, ústelder arasynda 2 metrden kem emes qashyqtyqty saqtaýy qajet, - delingen qaýlyda.
Áleýmettik qashyqtyqty jáne sanıtarlyq-dezınfeksııalyq sharalardy kúsheıte otyra, ashyq aýada jumys isteıtin jazǵy alańy bar qoǵamdyq tamaqtaný oryndary saǵat 10:00-den 21:00-ge deıin isteıdi.
