Qobda aýdanynyń ákimdigi uıymdastyrǵan aqyn-jyrshy Aısa Baıtabynovtyń shyǵarmashylyǵyna arnalǵan ǵylymı-tájirıbelik konferensııa urpaqtar sabaqtastyǵyn jalǵaǵan shara retinde este qaldy. Aýdan ákimi Asqar Júsibalıev ǵylymı-tájirıbelik konferensııany ashyp, tarıhty zerdeleýdiń jańasha sıpat alǵanyn alǵa tarta otyryp, osy topyraqta týyp, halqymyzdyń ǵasyrlar boıy sanasynda saqtalyp kelgen asyl qazynalaryn ultymyzdyń altyn qoryna qosqan aqyn-jyrshy Aısa aqynnyń eńbegine aıryqsha toqtaldy. Aqynnyń óziniń óleń-jyrlarymen keshegi qıyn-qystaý kezdegi eldiń kóńilin kóterýge, eńsesin tikteýge sińirgen shyǵarmashylyq qyzmetin atap ótti.
Qobda aýdanynyń ákimdigi uıymdastyrǵan aqyn-jyrshy Aısa Baıtabynovtyń shyǵarmashylyǵyna arnalǵan ǵylymı-tájirıbelik konferensııa urpaqtar sabaqtastyǵyn jalǵaǵan shara retinde este qaldy. Aýdan ákimi Asqar Júsibalıev ǵylymı-tájirıbelik konferensııany ashyp, tarıhty zerdeleýdiń jańasha sıpat alǵanyn alǵa tarta otyryp, osy topyraqta týyp, halqymyzdyń ǵasyrlar boıy sanasynda saqtalyp kelgen asyl qazynalaryn ultymyzdyń altyn qoryna qosqan aqyn-jyrshy Aısa aqynnyń eńbegine aıryqsha toqtaldy. Aqynnyń óziniń óleń-jyrlarymen keshegi qıyn-qystaý kezdegi eldiń kóńilin kóterýge, eńsesin tikteýge sińirgen shyǵarmashylyq qyzmetin atap ótti.
Ǵylymı-tájirıbelik konferensııada QR mádenıet qaıratkeri, oblystyq ishki saıasat basqarmasynyń úılestirýshisi Erkin Qurmanbekov aqynnyń ómiri men shyǵarmashylyǵy týraly tolyǵyraq baıandady. «Qobylandy batyrdyń» 29 nusqasy bar dep júrsek, sonyń bir nusqasy osy aqyn-jyraý Aısa Baıtabynovtyń kókireginen jyr bolyp quıylyp, halqynyń altyn qazynasyna qosylǵan. Fılologııa ǵylymdarynyń doktory Alpysbaı Musaev Aısa Baıtabynovtyń epık-jyrshy ekenin aıta kelip, onyń kózin kórgen ǵalymdardyń, Jambyl, Nurpeıis Baıǵanın syndy aqyndardyń ol týraly aıtqan sózderin, bergen baǵalaryn jurtshylyq jadynda jańǵyrtty. Aısa osyndaı iri tulǵalarmen úzeńgi qaǵystyrǵan jyrshy-aqyn. Onyń, sondaı-aq, ózi aıtatyn qısa-jyrlardy, óleńderin qyzyna jazdyryp, elimizdiń Ǵylym akademııasyna jiberip otyrǵany da baı murasynyń saqtalyp qalýyna septigin tıgizgen. Qobda aýdanynyń týmasy, ǵalym Nurjan Jetpisbaı aqyn shyǵarmashylyǵyn zerttegen kezde aqyn muralaryn osy qordan tapqan. Aısa Baıtabynov shyǵarmalarynyń el ishindegi izdeýshisi, jınaýshysy-jýrnalıst Balnııaz Ájnııazov aqynnyń eń shoqtyǵy bıik jyry – Qobylandy batyr men onyń balasy Jaskileń týraly dastanynyń baspa betinen kórýine úles qosqan azamat. Osy Qobda boıynyń shejireshisi sanalatyn ardager jýrnalıst Máskeý Shúkiranov aqyn týraly biraz derekter keltirdi, olardy óziniń ár jyldary baspadan shyqqan týǵan jerdiń tarıhy týraly kitaptarynda jazǵanyn jetkizdi. Osy aýdanda uzaq jyldar basshylyq qyzmet atqarǵan Málik Jekeev aqyndy bala kúninde kórgenin, sol kezdegi áserlerin ortaǵa saldy. «Qos Shynar» Álııa – Mánshúk» qoǵamdyq birlestiginiń tóraǵasy Ǵalymjan Baıderbes quttyqtaý sóz sóıledi. Toqsanǵa ıek artqan Marjan Orynbaeva ujymsharda saýynshy bolyp júrip, soǵys jyldarynda jumystan soń bir-biriniń tizelerin basyp otyryp, aqynnyń jyryn tyńdaǵanyn aıtyp berdi.
Bul kúni Qobdaǵa aqynnyń alys-jaqyn jerdegi urpaqtary túgel jınaldy deýge bolady. Jurtshylyq olardyń estelikterin, áńgimelerin tyńdady.
Aqynǵa arnalǵan ǵylymı-tájirıbelik konferensııa aqyn Aısa Baıtabynov arýaǵyn asqaqtatqan shara boldy. Osy sharanyń naqty nátıjesi aqynnyń basy qaraıtylyp, aq kirpishten tórt qulaqty úıi turǵyzyldy. Konferensııa sońynan as berildi, aqyn rýhyna quran baǵyshtaldy.
Satybaldy SÁÝIRBAI,
«Egemen Qazaqstan».
Aqtóbe oblysy.
