Almaty qalasyndaǵy «Nur Otan» halyqtyq- demokratııalyq partııasynyń ǵımaratynda «Qazaqstan jýrnalıstıkasynyń kókeıkesti máseleleri» taqyrybynda respýblıkalyq semınar-trenıng ótti.
Almaty qalasyndaǵy «Nur Otan» halyqtyq- demokratııalyq partııasynyń ǵımaratynda «Qazaqstan jýrnalıstıkasynyń kókeıkesti máseleleri» taqyrybynda respýblıkalyq semınar-trenıng ótti.
Qazaqstannyń ár aımaǵynan kelgen túrli BAQ ókilderi men Almaty qalasynda ornalasqan telearnalar men basylymdardyń basshylyǵy qatysqan semınardy «Bas redaktorlar klýby» qoǵamdyq birlestiginiń prezıdenti Kenjebolat Joldybaı júrgizip otyrdy.
Semınarda búgingi tańdaǵy otandyq jýrnalıstıkanyń jaı-kúıi men kókeıkesti máseleleri, BAQ pen bıliktiń ózara qatynasy men jýrnalısterdiń qoǵamdaǵy róli sóz boldy.
Shara barysynda respýblıkalyq «Lıter» gazetiniń bas redaktory jáne «Bas redaktorlar klýby» qoǵamdyq birlestiginiń vıse-prezıdenti Qaısar Janahanov «Qazaqstan jýrnalıster etıkasy kodeksiniń tájirıbelik qoldanysy» degen taqyrypta mazmundy baıandama jasady.
Semınar sońynda elimizge tanymal birqatar jýrnalıster, atap aıtqanda, keıingi jyldar kóleminde Qazaqstannyń ishki-syrtqy saıası qatynastary men ekonomıkalyq jetistikteri týraly saraptamalyq tushymdy dúnıelerimen kórinip júrgen buqaralyq aqparat quraldarynyń basshylary «Bas redaktorlar klýby» qoǵamdyq birlestiginiń arnaıy maqtaý qaǵazdarymen marapattaldy jáne atalmysh klýb atynan áreket etý quqyǵyna ıe arnaıy qujattar tapsyryldy.
Qanat ESKENDIR,
«Egemen Qazaqstan».
ALMATY.
